अथ महीलुठितैः कलुषीकृता
स्थपुटभूषु परिस्खलनाकुला ।
उद्धिकल्पसगाहत तत् सरः
सरिदिवोच्चरया तुरगावलिः ॥ ४ ॥
पृथुलकेवलपृष्ठनिषादिभिः
परिजनैः परिषेवितपासवः ।
मृदु विरम्य विरम्य पयः पपुः
श्रमविनिःश्वसिता[१]न्यनु वाजिनः ॥ ५ ॥
अथ निदाघमहोष्मभरं वहन्
विकसदम्बुजकान्तिकरैः करैः ।
अपिबदम्बु मुहुः स महाजनो
रसमयं सविदेव धराश्रयम् ॥ ६ ॥
अथ वनं नवपुष्पगुणोज्ज्वलं
सपदि बद्धशिलीमुखमण्डलम् |
मधुरलक्ष्यत चापमिवोद्हहन्
बहुमतं सहकारिमनोभुवः ॥ ७ ॥
मृदुलकोकिलनादमनोहरा-
श्चलितकोमलरक्तजपाधराः ।
बकुलकुड्मलकोमलकण्टकाः
स्मरयशांसि जगुर्वनदेवताः ॥ ८ ॥
विरहिदृष्टिविषादिव बिभ्यता
ममतया मधुना परिरक्षितुम् ।
