तत्र त्रिकालविषयाखिल वस्तुवृत्ति-
१साक्षी प्रबोधमहसा सकलं स जानन् ।
जिज्ञासयोपगतसङ्घचतुष्टयस्य
तज्ज्ञापनोत्सुकतयेव चतुर्मुखोऽस्थात् ॥ ३९ ॥
भामण्डलेन निकटोच्चलचामरेण
संवेष्टितो दिवि जिनाधिपतिश्चकाशे ।
हंसान्वितेन शरदम्बुदमण्डलेन२
नीलाम्बुवाह इव कोऽपि कृतोपवीतिः३ ॥ ४॥
अस्याशरीरपदलिप्सुतया शरीरं
बोधासिना हतवतो भुवनैकमल्लम् ।
वीरस्य पार्श्वमुपयन्ति तदा तदीय-
दिव्यायुधान्यनुचकार लतान्तवृष्टिः ॥४१॥
दिव्यध्वनिश्च सुरदुन्दुभिनिस्वनश्च
सन्त्यक्तशासनतदीयफलाभिलाषम् ।
उत्पद्यमानमुभयं४ युगपज्जहार
श्रोत्रं मनश्च सुतरां परिषज्जनानाम् ॥ ४२ ॥
सर्वज्ञपादरतयो वयमप्यशोका
मुग्धाङ्घ्रिजातरतयः किल तेऽप्यशोकाः ।
इत्यालपन्नलिनिनादपदादशोकः
प्रत्युन्मिषत्कुसुमकैतवतो जहास ॥ ४३ ॥
छायां तिरस्कृतवतो जगदेकभर्तु-
श्छायां प्रदातुमितमेतदलं ललज्जे ।
'
क्षि' क. पाठः. २. 'ज', ३. 'धिः' ख, पाठः ४,'त्य क. पाठः.