सुश्लिष्टकान्तमथ सीत्कृतगर्भकण्ठं
निःस्वेददीर्घसुरतं स्वदमानवह्नि ।
कर्पूरखण्डविकलक्रमुकोपभोगं
कश्चिद् बभूव विषयः समयो जनानाम् ॥२६॥
उच्चाटनाय शरदः सितसर्षपौघो
निर्दग्धुमब्जनिलयानिलयं तुषाग्निः ।
आलम्भचूर्णमसहायजनस्य कामं
प्रालेयशीकरमिषेण कुतोऽप्यपप्तत् ॥ २७ ॥
रेजुः प्रभातसमयेषु लतावनद्धाः
क्षोणीरुहस्तुहिनवारिकणैर्विकीर्णैः ।
आलिङ्गितस्तबकचारुकुचा रतान्त-
प्रादुर्भवद्भिरिव घर्मलवैर्युवानः ॥ २८ ॥
कालेऽत्र तीव्रहिमभाजि न वासरेन्द्रः
सान्द्रांशुकोऽपि सहते स्म हिमाद्रिवासम् ।
दूरस्थमप्यथ ययौ मलयाचलेन्द्रं
गोशीर्षकोटरफणिश्वसितैः कवोष्णम् ॥ २९ ॥
लौध्रेण सौरभसनद्रितदिङ्मुखेन
रेणूत्करेण पिहितानि वनानि रेजुः ।
लोकातिदुःसहसहस्यभयादिवात्त-
पत्राचारुतरभूरिनिवारकाणिः ॥ ३० ॥
सन्तापिता १रतिपतस्त्रिजगज्जयार्थं
नाराधिकाः सुनिशिता इव निर्विचारम् ।
१. 'स्सनिशितानि' ख. पाठः,