पुटमेतत् सुपुष्टितम्
५०
काव्यरत्ने
अशेषविज्ञोऽनिमिषैः परीक्षा-
प्रदित्सयेवैष विधीयमानान् ।
नियुद्धमुख्याखिलबालकेलीन्
निरूपयामास नरेन्द्रसूनुः ॥१०॥
गतोनपादायुतवत्सरस्य
श्रितं ततो यौवनमस्य गात्रम् ।
मधुर्यथा नन्दनपारिजातं
शरद् यथा सान्ध्यसुधामयूखम् ॥ ११ ॥
अधर्मता निर्मलता च नित्यं
पयः सुधा वङ्निकरो हितत्वम् ।
समाकृतिः संहननं च पूर्वं
सुगन्धिता निन्दितकैणनाभिः ॥१२॥
परश्शतैरम्बुजकम्बुमत्स्य-
श्रीवत्समुख्यैर्वरलक्षणैश्च ।
सद्व्यञ्जनैश्चोनसहस्रको१ण-
मसूरिकाद्यैरुपलक्षितत्वम् ॥ १३ ॥
विलोचनासेचनकं स्वरूपं
वचांसि पीयूषरसालघट्टाः ।
जगत्त्रयीमप्यतथाविधातुं
पटीयसी काचन दिव्यशक्तिः ॥ १४ ॥
युतः स्वभावातिशयैरमीभिः
कृतोन्नतिर्विंशतिचापदण्डैः।
'के क. पाठः
