पुटमेतत् सुपुष्टितम्
२५
चतुर्थः सर्गः।
गर्भेऽपि बोधत्रयनायकोऽय-
मितीदमावेदयितुं किलास्याः ।
वलिप्रभावाद् वलयो न नष्टाः
सनाभिनाशं भुवि के सहन्ते ॥ ६ ॥
तत्सङ्गमे सर्वसमृद्धिहेतौ
निरन्तरं सत्यपि कुक्षिरस्याः ।
समृद्धिमल्पामपि न प्रपेदे
भाग्यानुसारीणि फलानि कामम् ॥ ७ ॥
स्मरज्जनानामपि नाशयन्त-
मन्तस्तमो नूतनरत्नदीपम् ।
साक्षाद् दधत्या जिनमन्तरस्या:
स्प्रष्टुं तमो नैष्ट भियेव जातु ॥ ८ ॥
गर्भस्य लिङ्गं परमाणुकल्प-
मप्येतदङ्गेष्वनवेक्ष्य रक्षी।
जगत्त्रयोद्धारणदोहदेन
परं नराणां बुबुधे ससत्त्वाम् ॥ ९ ॥
सम्बन्धदुःखाखिलजीवमुक्त्ते-
र्हेतुं तमक्षार्थगतस्पृहं च ।
प्रसोष्यती तेन समाभवत् सा-
प्युपाधिवत् स्वच्छतरं हि वस्तु ॥ १० ॥
गुणान्वितोऽपास्ततमःप्रपञ्चः
प्रकाशितात्मेतरवस्तुरेषः ।
'म' क, पाठः TC
