|
नूनं नूपुरमेतदायतदृशो शमादिविद्वेषिणां |
नून निश्चितं मापत्तशः आयते विस्तीर्णे दृशो यस्यातस्या विशालनयनायाः एतन्नूपुरं चरणभूषणं समादिविद्वेषिणां रागादिशत्रूणां क्रीडार्थं विनोदार्थं पुरं नगरमिति अवेत्य ज्ञात्वा त्वया क्वचित्कदापि दृशा नेत्रेण नालोकनीयं न द्रष्टव्यम् । शत्रुपुरं श्रेयोऽर्थिना पुरुषेण न विलोकनीयमित्यर्थः । हे सखे, येन नूपुरेण अस्मिन्पुरे तैः प्रसिद्धैः मुखमात्रचङ्गिमगुणैः मुखमात्रे ये चङ्गिमाः श्रेष्टा गुणास्तैरुल्यणैरूदारैराकृष्य प्रसभं बलात्कारेण बद्धस्य ते तव चिरादपि. । भूतं नूपुरम् । नूनम् । नृशब्देन ऊनं नूनं नूशन्दरहितं नूपुरं पुरं भवतीति ॥
|
या स्त्रीति. नाम्ना बिभृते शमादौ शस्त्री प्रबुद्धैरवबुध्यतां-सा । |
या स्त्रीति नाम्ना स्त्रीत्यभिधानेन बिभृते धारयति सा स्त्री प्रबुद्धैनिभिः समादायुपशमादिकर्मणि शस्त्री अमुक्तायुधम् ॥ अमुक्तं शस्त्रीप्रमुखमिति । 'क्षुरी शस्त्री कृपाणिका' इति नामकोषः । अवबुध्यत्तां ज्ञायताम् । यतो यस्मात् अनङ्गभटः कामसुभटः जगति संसार एनां स्त्रीरूपां शस्त्रीं पुरस्कृत्य अग्रे कृत्वा पुण्यभटं धर्मसुभटं भिनत्ति भेदनं करोति । सुभटेन प्रतिसुभटं शस्त्र्या भेदनं विधीयत एवं स्त्रीति शस्त्री कथं तत्रोच्यते । समादौ वा स्त्री शं शकारमादौ बिभृते सदा स्त्री शस्त्री स्यादेवेत्यर्थः ॥
