इति चिन्तयतस्तस्य निद्रा सुचिरसंभृता ।
चकार मुकुलाकारे १चक्षुषी आ निशात्ययात् ॥ ९० ॥
अपरेद्युरथोत्थाय कृतप्राभातिकक्रमः२ ।
कादम्बरीमहाश्वेते दृष्ट्वा ३लब्ध्वा चिरादिव ।। ९१ ॥
४तदनुज्ञां तदादिष्टगन्धर्वपरिवारितः ।
स इन्द्रायुधमारुह्य प्रतस्थे पृतनां प्रति ।। ९२॥ (युगलकम् )
अथ केनाप्युपायेन ५लब्धमार्गमसौ निजम् ।
संनिविष्टं ६सरस्तीरे स्कन्धावारं व्यलोकयत् ।। ९३ ॥
७तत्र दृष्ट्वा नृपान्सर्वान्मन्त्रिपुत्र रहस्ससौ ।
स्ववृत्तान्तविदं चक्रे पत्रलेखां विशेषतः ॥ ९ ॥
निशि तस्यामतीतायामन्येद्युरुदिते रवौ।
केयूरकस्तमागत्य८ हेमकूटादभाषत९ ॥ ९५ ॥
कादम्बरी न१० पट्वीति त्वामभीक्ष्णं दिदृक्षते ।
विस्मृतं शयनीये च शेषहारमुपाहरत् ॥ ९६ ॥
११केयूरकवचः श्रुत्वा १२समेतः पत्रलेखया ।
चन्द्रापीडः पुनस्तूर्णं हेमकूटमथागमत् ।। ९७ ।।
१३अभिवन्द्य महाश्वेतां श्लाघितागमनस्तया ।
कादम्बरीमथापश्यत्पत्रलेखापुरःसरः ॥ २८॥
उद्याननलिनीतीरकल्पिते१४ हिममन्दिरे ।
कदलीदलशय्यान्तर्निषण्णां म्लानविग्रहाम् ॥ ९९ ॥
तदालोकनमात्रेण मुहुराश्वासितेव सा ।
तत उत्थातुमिच्छन्ती शयानैवास्त तद्गिरा ॥ १०० ॥
ततः कुशलसंप्रश्नसुखमात्रपवित्रिताः।
नानानमंविलासार्द्राः प्रावर्तन्त तयोर्गिरः ॥ १०१।।१. 'अक्षिणी' ख. २. 'संध्याविधिक्रमः' ख, ३. 'लब्धे' ख. ४. तदमुज्ञासमाविष्ट' ख. ५. 'लब्ध्वा' क.६. 'नदीतीरे' ख. ७. 'तदा' ख. ८. 'समागत्य' ख.
९. 'अथाब्रवीत्' ख. १०. 'नरपते' ख. ११. 'केयूरवचनं' क. १२. 'संगतः' ख.
१३. 'अमिनन्द्य' क. १४. 'पार्श्वकल्पिते' ख.
पृष्ठम्:कादम्बरीकथासारसङ्ग्रहः.pdf/५१
पुटमेतत् सुपुष्टितम्
४८
काव्यमाला ।