पृष्ठम्:कपीनामुपवासः.pdf/7

५

कपीनामुपवासः ।

अथ प्रभाते किल जागारित्वा नदीजलस्नानपवित्रताङ्गाः । निधाय रामं हृदि तेऽभिरामं सङ्कल्पयामासुरुपोषणाय । १६ ।

अथ क्षणार्धं निभृतं स्थितानां परस्परप्रेक्षणतत्पराणाम् । हृदीव गात्रेऽपि बभूव लौल्यं प्रभुः स्वभावं व्यतिवर्तितुं कः ॥ १७ |

विधाय जृम्भां व्यवधूय हस्तं प्रसार्य पादं परिवर्त्य गात्रम् । आचुंब्य पुच्न्छाग्रमसोढकण्डू- रन्ते कपिः कोऽपि विभेद मौनम् ॥ १८ ।।

असंशयं सम्प्रति पालनीयं व्रतं महापुण्यमिदं महान्तः । तथाऽपि जम्बूद्रुममूलभाजां श्वः पारणा नः मुकरेति भाति ।। १९ |