________________
रत्यक्षरमूर्त्यधिकारः] पूर्वार्धे तृतीयः पटलः। धवलवसनगन्धो बन्धुजीवारुणो वः प्रविततदशकोटिः श्रीकरोऽव्याद् बकारः ॥ ५१ ॥
त्रिमुखनयनरौद्रं पिङ्गकेशं तरक्षो
रुपरि दहनबिम्बे धूम्रवर्णं त्रिहस्तम् । रथचरणगदाढ्यं षण्डकं शूलि वोऽव्यात् प्रविततदशलक्षं यद्विरण्डेशसंज्ञम् ॥ ५२ ॥
उदितमिहिरकान्तिः कल्पवह्निप्रकाशो
जटिलशिरसि चन्द्रं मुण्डमालां च बिभ्रत् । त्रिशिखपरशुनागांश्चानलं भूतये वो विषमयवपुरब्जे स्यान्महाकालवर्णः ।। ५३ ॥
मृगगतिरतिधूम्रो वायुबिम्बे स पायाद्
ध्वजमुसलगदाग्नीनादधद् वायवीयः ।
सकलभुवनमानश्चाटनः क्षुद्रकृत्ये
ष्वरुणवसनगन्धैर्भूषितो वो यकारः ॥ ५ ॥ ज्वलदनलनिकाशो वह्निबिम्वेऽम्बुजस्थः सकलभुवनमानो मेषवाहः प्रसन्नः।
अभयवरदशक्तिस्वस्तिकानादधानः
सितवसनसुगन्धिः पातु युष्मान् भुजङ्गः ॥ ५५॥
कमलगतकरीन्द्रे योषिदापीतवर्णा
कलमकनकवल्लीवज्रपाशान् दधाना ।
दिशतु धरणिबिम्बे भूषिता सर्वपीता
धरणिविततिरिष्टं धारिणी स्तम्भिनी वः ॥५६॥ अमृतकिरणगौरी नक्रपङ्केरुहो वो धवलकमलपाशौ बिभ्रती वारिबिम्बे । विविधविषरुजार्ति ध्वंसयन्ती विभूत्यै भुवनविततिरस्तु क्षीरपीयूषमूर्तिः ।। ५७ ॥ १. 'ग्याविकारे' ॥ ग. पा. २. 'पञ्चक', ३. 'मि' ख. पाठः, ४, 'रुणवि', ५. 'नकपा' ग. पाठ:.
