एतत् पृष्ठम् परिष्कृतम् अस्ति
________________
[सामान्यपाद: ईशानशिवगुरुदेवपद्धतौ
धवलकमलहस्ता पुण्डरीकोषविष्टा
विमलवसनगन्धैर्भूषिता हेमवर्णा ।
दशशतपरिमाणा हारिधम्मिल्लभारा
प्रदिशतु बकवर्णास्याकृतिर्वो विभूतिम् ॥ ५८ ॥
शतमखमणिनीलः कूर्मवाहो द्विबाहुः
कपिशवसनगन्धो वज्रपाशौ च विभ्रत् ।
दशशतपरिमाणः क्षोभणो वोऽस्तु लक्ष्म्यै
प्रहसितवदनेन्दुः श्वेतसंज्ञः प्रमत्तः ॥ ५९ ॥
शशधररुचिगौरो वज्रपद्माब्जपाशान्
निधिकलशकरण्डे चक्रमप्यादधानः । सरसिजगतहंसे भूषितः कोटिमानो धनदपतिरभीष्टं यो भृगुर्वस्तनोतु ॥ ६ ॥
धवलवसनगन्धस्रग् जटी चन्द्रमौलि
र्हर इव लकुलीशो भूरिगौरस्त्रिणेत्रः ।
हरिणपरशुशूलैश्वान्वितो विश्वमानः
शिवगिरितनयेन प्राणस्वात्मावताद्वः ॥ ६१॥ सुरपतिभवनाब्जे शङ्खवज्रारिपाशान् सृणिमुसलभुसृण्ठीखडगघण्टाकपालम् ।
दधदवतु गजस्थः क्षेत्रपालेन्द्रदेवो
भुवनविततपीतस्त्रीक्षणोऽन्त्यो द्विदंष्ट्रः ॥ ६२ ॥
धवलरुचिरवर्णा ब्राह्मणास्तेऽथ रक्ताः ।
क्षितिभुज इह पीता ये विशो येऽपि कृष्णाः ।
वृषलकुलसजाता ह्यक्षराश्च स्वलिङ्गैः
पुरुषयुवतिषण्डास्ते प्रतिश्लोकवेद्याः ॥ ६३ ॥ प्रत्यक्षरमूर्त्यधिकारः। १. 'ण' ख. पाठः. २. 'धौ' ग. पाठ:. ५. 'हि' ख, पाठः, ६. 'ााधि' ग, पाठः, ३ 'ति', ४. 'न्योऽपि दं'
