एतत् पृष्ठम् परिष्कृतम् अस्ति
________________
पूर्वार्धे एकविंशः पटलः।
शुक्तिकाशकलघटितां घण्टिकामपि च दधतीम् । अङ्गदैः कटकमकुटैर्भूषितामपि च भुजगैः ॥ ९० ॥ प्राग्वत् । अथवा,
शार्दूलचर्मवसनां भुजङ्गराजोपवीतिनीं सौम्याम् ।
उग्रां कपालशूले साभयवरदे च बिभ्रतीं ध्यायेत् ॥ ९१ ॥ चामरकलशच्छत्रैरन्यैरपि राजलक्षणैर्विधृतैः। दूतीभिश्चाभरणैः सप्तभिरुक्तैर्यजेत् समोपेताम् ॥ ९२ ॥
पङ्क्तौ आदौ षोडशलक्षमभ्यसेच्छक्तिं वा भुवनाधिपां पुरः।
रक्ताब्जैर्मधुरान्वितैर्भवेद्धुत्वा शुद्धविराट् स साधकः॥९३॥ शुद्धविराट् ।
क्रूरसौम्ययजनाधिकारः। अथ दीक्षाविधिरुच्यते रक्ताब्जं विलिखेत् तु भद्रकं मायाचक्रमथापि वा बुधः ।
शक्तिं तत्र यजेद विधानतः सद्बीजाकुशपाशकर्णिके ॥९४ ॥
ऐशान्यां दिशि पञ्चपत्रके त्वम्भोजे कलशांश्च तावतः ।
हैमादीन् विधिनाभिपूरयेद्धृल्लेखादिसपञ्चमूर्तिकम् ॥ ९५ ॥ गव्यैः पञ्चभिरेषु योजयेत् पञ्चाशत्प्रणवोदिताः कलाः ।
सक्षीरद्रुमचर्मवारिभिर्गन्धाम्भोमणिभिश्च पञ्चभिः ॥ ९६ ॥ अथवा, पद्मेष्टच्छदने सकर्णिके कुम्भानां नवकं प्रपूरयेत् ।
आज्यक्षीरदधीक्षुजैः क्रमात् क्षीरित्वग्रसतीर्थवारिभिः ॥९७ ॥
लिप्यर्णौषधिरसमपि मध्यकलशे प्रक्षिपेत् ।
ब्रह्माणीप्रभृतीस्तु मातृकाः कुम्भेष्वष्टसु दिग्विदिक्क्रमात् ।
मूलाङ्गैः सह मध्यमेऽम्बिकामावाह्यावरणैः सहार्चयेत् ।। ९८ ॥ 1. 'कां' क. २. 'अ' ख, पाठः. ३. 'री', ४. 'म' स. पाठ: