एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ (मन्त्रपादः
कृताञ्जलिकरद्वया जटिलमौलिचन्द्राङ्किताः
पुराभिहितमूर्तयः स्वसुरलक्षणा मातरः ॥ ३३ ॥ . तृतीयवृतिगान् यजेत् कथितदक्षिणेशादिकां___ श्चतुर्थवृतिगान् बहिः शतमखादिलोकाधिपान् ।
तदस्त्रमयदेवतास्त्वथ यथावदन्त्यावृतौ
सुगन्धिकुसुमादिभिः समभिपूज्य मन्त्र जपेत् ॥ ३४ ॥
जपं च यजनादिकं चुलुकवारिहस्तोऽर्पयेत्
गुह्यातिगुह्यगुप्तात्ममूर्तिस्त्वं परमेश्वरि! ।
गृहाणात्मकृतां पूजां जपाद्यं च फलाप्तये ॥ ३५ ॥
अनेन पदपद्मयोः सकलशक्तिमन्त्रार्चने ।
क्षमापयतु दैवतैर्यजनबिम्बतः खाम्बुजे निरञ्जने !
लयं गच्छ ठठ। नियोजयतु तां चितिं हृदयपद्मकोशेऽथवा ।। ३६॥
स्पृशन् प्रतिदिनं मुखं निजकरेण तां चिन्तयेत्
त्रिसन्ध्यमपि तं जपन् भवति गद्यपद्यादिकृत् ।
सवामकरमन्त्रवान् कलितमुष्टयवष्टम्भनात्
परस्य वदने क्षिपन् सपदि तद्गिरः स्तम्भयेत् ॥ ३७॥
क्षणाच्छूतधरो भवेच्छशधरद्युतिं षड्भुजां
वराभयजपावलींकमलकुम्भपुस्तान्विताम् ।
सितां त्रिनयनां सितैर्वसनमाल्यभूषादिभिः
स्मरन् भवति सर्वविल्ललितवेषतुङ्गस्तनीम् ॥ ३८ ॥
यथोक्तमुभुजाष्टकामथ निजैक्यवागीश्वरी
चतुर्वदनपङ्कजां निजमुखे च तां चिन्तयन् । स्ववक्रमभिमन्त्रयन् विजयते ह वादे परां स्तदुक्तमनधीतवानपि च, शास्त्रवेदान् वदेत् ॥ ३९ ।।
सितैः कुसुमपङ्कजैर्मधुरदुग्धसिक्तैर्हुता
लभेत कवितां तथा श्रियमपीह षण्मासतः।
