________________
३३६ ईशान शिवगुरुदेवपद्धतौ खदिरस्य कपित्थस्य श्वेतकृष्णारिमेदयोः ।
पलाशस्य च निर्यासं (?) दार्वीकुटचबीजयोः ॥ ४९ ॥
- भागास्त्रयस्त्रयो ग्राह्यास्त्वथ कान्तं च चन्दनम् । कृष्णमूलासुमूलं च मुसल्याकुलिकाशिके ॥ ५० ॥
धात्री च नागकुसुमं पृथगेते चतुर्गुणाः ।
कार्पासस्यानुधावन्त्यां मूले कृष्णार्जुनत्वचः ॥ ५१ ॥
पृथक् पृथक् पञ्चभागाः सर्वमेकत्र चूर्णयेत् ।
तच्चूर्णं मधुना प्रातर्लेह्यं तक्रेण वा पिबेत् ॥ ५२ ॥
कषायं च पिबेद् रात्रौ वक्ष्यमाणौषधैः श्रुतम् । त्रिफला च निशायुग्मं जम्ब्वारग्वधयोस्त्वचौ ॥ ५३ ॥
पाठामृताब्दतकरशक्तिपत्रपुनर्नवाः । सर्वाणि समभागानि निष्काथ्याष्टावशेषितम् ॥ ५४ ॥ शीतलं मधुना मिश्र पीतं विंशतिमेहहृत् । निष्टेरका कुलीबीजे बद्धवलिदलानि च ॥ ५५ ॥ अद्वैताद्वैतद्वैतभागांस्तक्रेण पेषयेत् । त्रिचतुःपञ्चदिवसैर्मेहान् प्रातः पिबन् जयेत् ॥ ५६ ॥ शक्रवल्लिशिफांशाः षट् करञ्जस्याङ्कुरास्तथा । तत्काथस्तु हरेद् वृद्धिं पीतस्तद्वीजचूर्णयुक् ॥ ५७ ॥
कोकिलाक्षाङ्कुरान् पिष्ट्वा विश्वासिन्धूत्थदीप्यकैः ।
पिबेत् तक्रेण गव्येन बीजवृद्धिर्विनश्यति ॥ ५८ ॥
करञ्जं गृञ्जनीपथ्या काननाम्रश्रृते जले |
शुक्ते तक्रादिना पेया बीजवृद्धिक्षयापहाः ॥ ५९ ॥
दूर्वायाः स्वरसाढके मलयजं हीबेरकं शारिबा
मुस्ताब्जोत्पल तैलकुष्ठतगरैः शुङ्गानि च क्षीरिणाम् ।
कल्कीकृत्य पचेद् घृतं तदथवा तैलद्वयं वा समं
पीतं विश्वविसर्पकान् इरति तत्सेकेन चाभ्यङ्गतः ॥ ६० ॥ १. 'स्तद्वीतचू', २. 'कूजकुण्ठत' क. पाठः