एतत् पृष्ठम् परिष्कृतम् अस्ति
________________
२१५ भरिमन्त्राधिकारः] पूर्वाः पञ्चत्रिंशः पटलः । राजिस्नेहावसिक्तानामयुतं लभते जयम् । शत्रूनभिमुखायातानेवं ध्यायन् जपेदपि ॥ ८५ ॥
इष्ट्वा दूर्वाक्षतैर्देवं पालाशाग्नौ घृतेन तु । दूर्वाभिः पायसाज्येन हुत्वायुर्दीर्घमाप्नुयात् ॥ ८६ ।। हुत्वा समिद्भिः पालाशैः साज्यैरारोग्यमाप्नुयात् ।
वृष्टये वैतसैः साज्यैः सक्षीरान्नं जुहोतु च ॥ ८७ ॥ जले स्थित्वा जपेन्मन्त्रं वृष्टिरिष्टा भविष्यति ।
किमत्र बहुनोक्तेन यद् यदिच्छति मन्त्रवित् ॥ ८ ॥ तत्तत् पूजाजपध्यानहुतैः प्राप्नोति भक्तिमान् ।
मूद्वासने समासीन ऋजुकायः समाहितः ॥ ८९ ॥
ध्यायेत् कुण्डलिनी नाभेरधस्ताच्चतुरङ्गुले । सप्तव्याळोपमा दीप्त्या सूर्याभामष्टवर्तुलाम् ॥ १० ॥ हेमाभां प्रणवं चास्यां दश नाड्यो विनिस्सृताः।।
इडा पिङ्गा सुषुम्नां च गान्धारी हस्तिजिह्विका ।। ९१ ॥
सुयशालम्बुषा पूषा कुहूर्वै शङ्किनी तथा । प्राणादिदशवायूनां मार्गभूतास्तु नाडयः ॥ ९२ ॥
ऊर्ध्वगमा सुषुम्नाख्या देहमध्ये व्यवस्थिता ।
इडा वामेन संयाति पिङ्गला दक्षिणेन तु ॥ ९३ ॥
नाभिपद्मं सुषुम्ना तु गत्वा तत्कर्णिकां गता। तत्र विद्युत्प्रभा देवी रमा प्रणवविग्रहा ॥ ९४ ॥ सूक्ष्माख्या चिन्मयी ध्येया विद्युल्लेखेव भास्वरा ।
ततः सुषुम्नामार्गेण गता हृत्पद्मकर्णिकाम् ॥ ९५ ॥
मध्यमाख्यां रमाशक्तिं ध्यायेद् दीपशिखोपमाम् । सार्धत्रिमात्रप्रणवहंसमन्त्रविभाविताम् ॥ ९६ ॥
ततश्चोय व्रजन्तीं तां ज्योतिर्लेखां सुषुम्नया ।
भ्रूमध्ये बिन्दुमध्यस्थां प्रणवे वैखरी रमाम् ॥ ९७ ॥ १, 'मला ' ख. पाठः. ES