________________
१३५ लमत्राधिकारः] पूर्वार्धे द्वात्रिंशः पटलः । तथैव कटिसूत्रेण नूपुराभ्यां च विनतम् ।
नीलकौशेयवसनमाबद्धकरबालकम् ॥ १३ ॥
रक्ताकल्पं सुपीनांसं सर्वसौन्दर्यकेतनम् ।
वामतोऽस्य प्रभां देवीं रक्तामुत्पलधारिणीम् ॥ १४ ॥ अष्टवर्षाकृतिं चापि सत्यकं दक्षिणे सुतम् । ध्यात्वावाह्य तु शास्तारं देवं सावरणं यजेत् ।! १५ ॥
तद्यथा ध्यात्वा तु सकलीकृत्य विघ्नद्वारं च पूजयेत् । क्षुरिकाखड्गपाणी द्वौ द्वाःस्थावुभयतो यजेत् ॥ १६ ॥
यक्षं विद्याधरं द्वारश्रियं चोपरि पूजयेत् ।
अस्त्रं क्षिप्त्वा प्रविश्यान्तर्देहल्यां विनिधाय तत् ॥ १७ ॥ वास्तुब्रह्मासनानीष्ट्वा मूलाङ्गैरर्घ्य॑मर्पयेत् । गन्धपुष्पकुशक्षीरतिलसिद्धार्थकाक्षतैः ॥ १८ ॥ अयं स्याद् भूतनाथस्य तिलपुष्पाक्षताम्बुभिः । चन्दनं च निशा पाद्यमथ पद्मं च चन्दनम् ॥ १९ ॥ लवङ्कवारि चाचामं हृदा सर्व तु दापयेत् । तिलकी सशिखापुष्पः शक्तिं पीठं धरात्मकम् ॥ २० ॥ प्रभूतसिंहासनाय सर्वशक्तिमयाय च ।
नम इत्यभिपूज्याङ्घ्रीन् धर्मादीन् भूतविग्रहान् ॥ २१ ॥
तमः सत्त्वं रजः पद्मं शक्तीर्गोप्ठ्यादिकास्तथा । तत्तो मूर्तिं मन्त्रदेहां प्रोक्तरूपायुधादिकाम् ॥ २२ ॥
सङ्कल्प्यावाहयेन्मूर्तौ तस्यां देवं चिदात्मकम् ।
आधारादुद्गतं सूक्ष्मं परं ज्योतिर्हृदम्बुजात् ॥ २३ ॥
आवाय स्थापयेद् देवं सन्निधीकृत्य रोधयेत् । प्ररोच्य चामृतीकृत्य तथैवाघ्ष्यादिभिः क्रमात् ॥ २४ ॥