एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ [मन्त्रपाद: घोराण्यघोरयागेन शाम्यन्त्यस्य न संशयः ।
अथाप्युदाहरन्ति -
"केवलं वाप्यघोरेशमघोरास्त्रमथापि वा । इष्ट्वानेन विधानेन हुत्वा चेष्टानि साधयेत् ॥ ९२ ॥" इति। सामान्ययागो निर्दिष्टो विशेषोऽप्यथ कथ्यते ॥ ९३ ।। सामान्ययागाधिकारः। स्वयम्भुमार्षेयं वाथ लिङ्गं गोसंभवेन तुं । सद्योदुग्धेन दुग्धेन शतप्रस्थमितेन तु ॥ ९४ ॥
रुपयेच्चोत्तमां पूजामुपचारोदितक्रमात् ।
कृत्वा भूतबलिं दद्याद् रात्रावुक्तविधानतः ॥ ९५ ॥ पुनश्च पूजयेद् देवं लिङ्गे चित्रे पटे तथा ।
कूर्चेन संस्पृशन् लिङ्गमधोराष्टशतं जपेत् ॥ ९६ ॥
अघोरास्त्रं च कुण्डेऽथ दूर्वाज्यतिलपायसैः ।
यवैश्वाष्टोत्तरशतं पृथक् कृत्यं च संस्मरन् ।। ९७ ॥
एकादश द्विजान् मृष्टं भोजयेञ्च सदक्षिणम् ।
अघोरमूर्तिभंगवान् सास्त्रो में प्रीयतामिति ॥ ९ ॥
एवं प्रवर्तयेद् योगं पञ्चविंशतिवासरान् ।
सविशेष समाराध्य ततो यागं समापयेत् ॥ ९९ ॥ शाम्यन्ति घोरदुःखानि ग्रहरोगापमृत्यवः । उपसर्गांस्तथा मारीपीडाः क्षुद्रकृताश्च याः ।। १०० ॥ शाम्यन्त्यायुष्यमारोग्यमैश्वर्यं चास्यं जायते । शक्तस्यायं समुद्दिष्टो यागस्य विधिरुत्तमः ॥ १०१ ॥
अशक्तस्य तु पादोनं तदर्धनाथ वा स्मृतः। केवलं रोगशान्त्यर्थ दशप्रस्थघृतेन तु ॥ १०२ ॥
१. 'यो' ग पाठः. २. 'यो' ख, पाठः,