एतत् पृष्ठम् परिष्कृतम् अस्ति
________________
ईशामशिवगुरुदेवपद्धतौ [मन्त्रपादः तस्मिन् नासाध्यमस्तीह घोराघोरास्त्रमन्त्रयोः । तयोरेकतरेणेष्टं जपार्चाद्यैः प्रसाधयेत् ॥ ४९ ॥ .
विशेषाद् राजकार्येषु परचक्रभयादिषु ।। ग्रहभूतादिपीडासु क्षुद्ररोगभयेषु च ॥ ५० ॥
अपमृत्युभये तद्वदनावृष्टयतिवृष्टिषु । महोत्पातेषु जातेषु नरस्त्रीगजवाजिनाम् ।। ५१ ॥
उपसर्गेषु मारीषु तत्तत्पीडोपशान्तये । अघोरयागः सामान्यः समासादिह कथ्यते ॥ ५२ ॥ शुचौ देशे विविक्ते तु तत्तत्कार्यानुसारतः । मण्डपं वा प्रपां कृत्वा क्षिप्त्वा वास्तुबलिं तथा ॥ ५३ ॥
पुण्याहं वाचयित्वादौ स्वस्ति वाच्यं द्विजातिभिः ।
सुविलिप्ते स्थले विघ्नानुत्सायेंष्ट्वा गणेश्वरम् ॥ ५४ ॥ स्थण्डिलं - तण्डुलैः शुक्लैरष्टद्रोणैस्तु शालिजैः ।
तदर्धेश्च तिलैः कृत्वा तन्मध्ये षोडशच्छदम् ॥ ५५ ॥
शुक्लं रजोभिः कृत्वाब्जं मध्ये कुम्भं निधाय तु ।
समापूर्याम्भसा गन्धहेमरत्नफलाक्षतैः ॥ ५६ ॥
तस्मिन्नघोरमावाह्य साधकोऽङ्गावृतिं यजेत् ।
अङ्गैवृतिः केसरेषु तदग्रेऽष्टायुधैर्वृतिः ॥ ५७ ॥
कलाभिर्भीषणाद्यैस्तु तृतीया तु वृतिर्भवेत् ।
दलमूलेंषु ब्राह्याद्या असिताङ्गादिभैरवैः ॥ १८ ॥
दलमध्यगतैः पूज्या चतुर्थी मातृकावृतिः । पञ्चर्मी तु दलाग्रस्थैर्भैरवेशादिभैरवैः ।। ५९ ॥
श्रीकण्ठाद्यर्णरुद्रैश्च षष्ठी तच्छक्तिभिर्वृतिः ।
सप्तमी लोकपालैश्च तदस्त्रैर्वीथिगा वृतिः ॥ ६ ॥ बाह्या वृतिः षोडशभिर्वृषाद्यैरष्टमी स्मृता ।।
एवं सास्त्रमघोरेशं लिङ्गे चित्रे पटे तथा ।। ६१॥
१. 'लं', २. 'अ', ३. 'भिर्वाद्यै' न. पाठः.
