एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ [मन्त्रपादः खट्वाङ्गदन्तौ शूलं च कपालाङ्कुशपाशकान् ।
हलपासशरेष्वासखड्गखेटाक्षमालिकाः ॥ २६॥
पद्मं दण्डं डमरुकमभयं वरदं क्रमात् । अष्टादशभुजैर्हेतीन् बिभ्राणं दक्षिणेतरैः ॥ २७ ।।
दंष्ट्रादन्तुरभीमास्यं पिङ्गश्मश्रुजटाधरम् । उष्णीषकुण्डलादीनि नूपुरान्तानि यानि वै ॥ २८ ॥ भूषणानि भुजङ्गेन्द्रैः क्लृप्तानि दधतं विभुम् । वसानं चर्म वैयाघ्रं मुण्डमालाविभूषितम् ॥ २९ ।। लूतावृश्चिकसंमिश्रकण्ठालसितभूषणम् । दष्टाधरोष्ठं वृत्ताक्षं भृकुटीकुटिलाननम् ॥ ३०॥ अघोराक्षररूपैश्च रुदैः शक्तिभिरावृतम् ।
षोडशारस्य चक्रस्य मध्यपद्मोदरस्थितम् ॥ ३.१ ॥ वक्ष्यमाणैस्तथा रुद्रैर्भैरवैर्मातृभिर्वृतम् ।।
दक्षिणाभिमुखं देवं तदस्त्रं तस्य पश्चिमे ॥ ३२ ॥
ध्यात्वा जपादिकं कुर्याद् भित्तावालिप्य वा. पटे।
अघोरध्यानम् -
अघोरास्त्रं तथा ध्यायन् भिन्नाञ्जनगिरिद्युतिम् ॥ ३३ ॥
स्पष्टदष्टाधरोष्ठं तं लसद्दंष्ट्रोत्कटाननम् । संरक्तगन्धक्सनमाल्यभूषणभूषितम् ॥ ३४ ॥ अष्टबाहुं धृतोदग्रसप्तायुधविभूषितम् ।। शूलमूलं च वेतालं खड्गं डमरुकं कमात् ॥ ३५ ॥ दक्षिणैरितरैर्दोभिः कपालं चाप्यधस्तनात् ।
घण्टा खेटं शूलमध्यं बिभ्राणं चोत्तरोत्तरैः ।। ३६ ॥
वृत्तपिङ्गत्रिणयनं भृकुटीकुटिलोत्कटम् ।
ज्वलदग्निमिशिखाकारं पिङ्गलोर्ध्वशिरोरुहम् ॥ ३७॥ १. 'णं तथा', २. 'ख्य'-ग. पाठः३. शस्त्रम् ख. पाठ: 'मुद्रं . .