एतत् पृष्ठम् परिष्कृतम् अस्ति
________________
दक्षिणामूर्त्यधिकारः] पूर्वार्धे एकोनग्निशः पटलः । १५९ द्वितीयस्य - वेदन्यग्राधमूले मुनिभिरभिवृतं गाढपर्यङ्कबद्धं शुक्लाकल्पं त्रिणेत्रं भसितसितरुचिं व्याघ्रचर्माम्बराढ्यम् ।
व्याख्यामुद्रां च टङ्कं हरिणमृजुभुजे जानुरूढे कुसुम्भं
बिभ्राणं जाटजूटाहितशशिशकलं दक्षिणामूर्तिमीडे ॥ ९४ ॥
इदं ध्यानं द्वितीयानुष्टुभः ।
अन्वासीनं मुनीन्द्रैः कनकपटमधोबद्धपर्यकबद्धं व्याख्यार्थ भूतिगौरं चलदमरनदीचन्द्रचञ्चत्कपर्दम् । . त्र्यक्षं रुद्राक्षमालोत्पलकलितकरं जानुरूद्वैकबाहुं
कृत्तिं चित्रां वसानं प्रणमत सततं दक्षिणामूर्तिमीशम् ।। ९५ ।।
ततः सुरसरित्प्रख्यः सरस्वत्यास्तटे स्थितः । व्रत्याशनो जपेल्लक्षमेकलिङ्गे शिवालये ।। ९६ ॥
दक्षिणामूर्तिमाश्रित्य भस्मोद्धूलितविग्रहः ।
जुहुयात् तद्दशांशेन क्षीराज्यस्नपितांस्तिलान् ॥ ९७ ॥
भित्तौ पटे वा चित्रस्थं यजेद् देवं शिवासने । एकावरणमार्गेण शिष्यैस्तु मुनिभिर्वृतम् ।। ९८ ॥ मुख्योपचारैरधैिर्मनसा वाप्यसंभवे । जपेत् प्रतिदिनं मन्त्रमष्टोत्तरसहस्रकम् ।। ९९ ॥ अश्रुतान्यपि शास्त्राणि व्याकरोति करोति च ।
जपध्यानातिशयतः सर्वज्ञो जायते स्फुटम् ॥ १० ॥
मृत्युञ्जयं शिवमुपास्य जयन्ति मृत्युं सञ्जीवनं मनुमुपास्य जयन्ति कालम् । मन्त्रेण दक्षिणशिवं यजतां मुखाब्जे सारस्वतं वहति धाम सरस्वतीव ॥१०१॥
इति श्रीमदीशानशिवगुरुदेवपद्धतौ तन्त्रसारे एकोनविंशः पटलः । - १. 'भूफि पि' ख. पाठः,
