एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ [मन्त्रपादे शिवाधिकारः] संयोज्य जातियुक्तानि तस्याङ्गानि भवन्ति हि ।
सानुखारं तु खं नेत्रमन्त्रोऽपि स्यात् सजातिकः ॥ १५५॥
दधीचश्चैव गायत्रमृषिश्छन्दश्च दैवतम् । शिवश्च साधनाद्यं च विनियोगश्च पूर्ववत् ॥ १५६ ॥
सतारः शक्तिबीजादिः प्रोक्तो मन्त्रः षडक्षरः ।
शैवाष्टाक्षर उद्दिष्टो धर्मकामार्थमोक्षदः ।। १५७ ॥ प्रासादादिस्वषड्वर्णैः प्रासादोक्तानपूर्वकैः ।
स्वम्बजातिसमायुक्तैरस्याप्यङ्गानि षड् वि(द::दुः) ॥ १५८ ॥
ऋषिः शिलादो बृहती छन्दो दैवं शिवः स्वयम् ।
अस्यापि साधनाद्यं तु विनियोगाश्च पूर्ववत् ।। १५९ ॥
शैवाष्टाक्षराधिकारः । अस्यैवाष्टाक्षरस्यान्ते चिन्मन्त्रं योजयेद् यदा।
मन्त्रो दशाक्षरः शैवः कल्पवृक्ष इवेष्टदः ।। १६० ॥ सबिन्दुखं भृगुः सर्गी चिन्मन्त्रोऽयं हि कीर्तितः । अष्टाक्षरोक्तान्यङ्गानि षडस्यापि भवन्ति हि ॥ १६१ ॥ सनत्कुमारः पतिश्च पार्वतीसहितः शिवः।
ऋष्याद्याः साधनाद्याश्च विनियोगाः पुरोदिताः ॥ १६२ ॥
षण्मन्त्राणामपि ह्येषां सामान्यं दशिका विदुः । षडेते हि महामन्त्राः मूलमन्त्राः शिवस्य हि ।। १६३ ।।
नैषामसाध्यं कोऽप्यस्ति पुरुषार्थो हे वाञ्छितः ।
इतीमे समासात् समालोक्य कल्पांस्तथा शैवमन्त्राः षडेव प्रधानाः। तथा सारभूताः श्रुतीनां कृतीनां हितायोपदिष्टाः समस्ता विशिष्टाः॥१६४३॥
इति श्रीमदीशानशिवगुरुदेवपद्धतौ तन्त्रसारे अष्टाविंशः पटलः । १. 'भा' क. पाठः. २. 'किम्' ख. पाठः. ३. 'ला' क. पाठः. ४. 'कां' व. पार:.