एतत् पृष्ठम् परिष्कृतम् अस्ति
________________
ईशानशिवगुरुदेवपद्धतौ मन्त्रपादः तच्च प्रतिसृतं कर्म शत्रुमेवाभिगच्छति ।
विषरक्तसमासिक्तैः स्याद् विद्वेषो विभीतकैः ॥ १३ १ ॥ तीक्ष्णतैलहुताल्लक्षाम्रियते ह्यमरोऽप्यरिः । वामोरुलिखितं नाम मन्त्रर्णान्तरितं क्रमात् ॥ १३ ॥ निशया निशि वामेन तलेनाच्छाद्य तज्जपेत् । आकर्षयेत् स्त्रियं ध्यायन् पाशाकर्षणविह्वलाम् ॥ १३३ ॥ अनेनैव प्रयोगेण पुंसां चाकर्षणं स्मृतम् । चतुर्दशीषु कृष्णासु षट्सु तीरे पयोनिधेः ॥ १३४ ।। सैकतं लिङ्गमभ्यर्च्य निराहारोऽयुतं जपेत् । षट्स्वेवापरसन्ध्यासु सप्तम्यामथ मण्डले ॥ १३५ ॥
पद्ममध्येऽभिपूज्येशं तस्य दक्षिणतो यजेत् । -वीरभद्रं च विघ्नेशं जपापुष्पैस्तु मातृभिः ।। १३६ ॥ जपापुष्पायुतं चाग्नौ जुहुयाच्चै तदग्रतः ।
ततः स मातृभिर्विघ्नं वीरभद्रं च पश्यति ॥ १३७ ॥
ततोऽभीष्ट वरं लब्ध्वा मोदते देववच्चिरम् ।
बाणपुष्पायुतैर्हुत्वा युद्धे विजयमाप्नुयात् ॥ १३८ ॥
यद्वर्णपुष्पैर्जुहुयात् तद्वर्ण लभतेऽम्बरे ।
पाञ्चगव्यं चरुं प्राश्नन् पञ्चलक्षं जपेन्मनुम् ॥ १३९ ॥ पातकेभ्यश्च पापेभ्यो मुच्यते नात्र संशयः । पर्वताग्रं समारुह्य त्रिःस्नायी व्रत्यभोजनः ॥ १० ॥ यमैः सनियमैर्युक्तः कोटिसंख्यं षडक्षरम् | जपेद्यः पूजयेल्लिङ्गं मौनव्रतधरः शुचिः ।। १४१॥
सोऽनेनैव शरीरेण खेचरः कामरूपधृक् । अणिमादिगुणैश्वर्य लब्ध्वा सिद्धैश्च सामरैः ॥ १४२ ॥ वन्धमानो गणेशैश्च पूज्यमानः स. सर्ववित् । -सर्वलोकाभिगामी स्यात् सर्वान् देवांश्च पश्यति ॥ १५५ ।। ..' . पाठः. २. 'शां' क. पाठः. ३. 'च जपान', ४. ख. पार: