एतत् पृष्ठम् परिष्कृतम् अस्ति
________________
१२० ईशानशिवगुरुदेवपद्धतौ [मन्त्रपादः अत्यष्टिवर्णस्तारादिरयं भूहृदयाह्वयः ।
रामवदानलगुणवेदसंख्यैः स्ववर्णकैः ॥ ६७ ॥
अङ्गानि रचयेत् पञ्च जातिभानि यथाक्रमम् । ऋषिर्वराहश्छन्दोऽपि निवृद् भूमिश्च देवता ॥ ६८ ॥
लक्षं पुरस्क्रिया होमो दशांशं पायसाज्ययोः ।
सिध्येन्मन्त्रस्त्वयं नित्यपूजाविधिरथोच्यते ॥ ६९ ॥
मेरौ कल्पतरोर्मूले हेमभूरनपीठके । ध्यात्वा सिताम्बुजं तस्मिन् देवीमावाह्य पूजयेत् ॥ ७० ॥
तद्यथा आधारशक्तिं कर्म चाप्यनन्तातनमेव च । धर्मादिकान् गुणान् सूर्थसोमाग्न्यधिपमण्ड लैः ॥ ०१ ।। तत्कर्णिकायां भूबीजमिष्ट्वा तबिम्बतारकम् । मूलेनावाहयेत् तस्मिन् धरणीं दिव्यरूपिणीम् ॥ ४२ ॥ अथाभिकृतौ- श्यामलवर्णां कोमलमूर्तिं कुवलयचलदृशमभिनववयसं हेमकिरीटां स्वाभरणाढ्यां करधृतकमलककुवलययुगलाम् ।
कौञ्चपदाली चित्रपटान्तस्तरलितसुरसरिदुपमितवसनां
पिञ्जरगन्धस्रक्परिवहीैं प्रणमत भुवमिह मुररिपुदयिताम् । क्रौञ्चपदा । ध्यात्वैवं धरणीं देवीमुपचारैर्यजेत् क्रमात् । अङ्गैश्च वासुदेवायैर्दिक्षु पद्मदलाग्रगैः ॥ ७४ ॥
जलाग्निमरुदाकाशान् कोणपत्रेष्वनुक्रमात् । श्वेतरक्तासितस्वच्छवर्णान् प्रोक्ततनून् यजेत् ।। ७५ ॥ देव्याः पार्श्वगतो दूतीश्चतस्रः कोणगा यजेत् ।
चामरं मुकुरं चैव रत्नभूषासमुद्कम् ।। ७६ ॥
ताम्बूलककरङ्कं च वहन्तीर्हेमसन्निभाः । कुलशैलान् समुद्रांश्च नदीवृक्षौषधीरपि ॥ ७॥
