________________
इंशानशिवगुरुदेवपद्धतौ जपेत् तु पूर्वसेवार्थ साध्यमन्त्रं त्रिलक्षकम् । सन्ध्यासु चार्धरात्रे च जपपूजाविधिः स्मृतः ॥ ६ ॥
विशुद्धदेहः शुद्धात्मा मौनी शुद्धाम्बरादिकः ।
चन्दनेनार्धरात्रे तु बिम्बमालिप्य वर्तुलम् ॥ ७ ॥
पञ्चबुद्धान् प्रणम्यादौ बोधिसत्त्वाष्टकं तथा । अक्षोभ्यवैरोचनको रत्नसम्भवमेव च ॥ ८ ॥
अभितापं तथामोघसिद्धिं तारादिनामभिः ।
पद्मपाणिश्च मैत्रात्मा गगनादिगजाद्वयः ॥ ९॥ समन्तभद्रसंज्ञश्च तथा यक्षाधिपाह्वयः ।। ततः स्यान्मञ्जुघोषाख्यस्तथा विष्कम्भकाह्वयः ॥ १० ॥ त्रांबीजोत्थं हिरण्यादि ध्यायेदतिमनोहरम् ।
तस्योपरि तथारामं कल्पवृक्षरलङ्कृतम् ॥ ११ ॥ तन्मध्ये मणिभिर्दिव्यैश्चितं हैमस्थलं स्मरेत् । तत्र यङ्कारजं पद्मं स्मृत्वा तत्र स्थितः स्वयम् ॥ १२ ॥ 'ओं स्वभावशुद्धाः सर्वसमाः । सर्वशुद्धोऽहम्' इति मूर्धादिपादान्तं त्रिवारं विन्यसेत् सुधीः।
मैत्री सुधीषु सर्वेषु करुणां दुःखितेषु च ॥ १३ ॥ पुण्यशीलेषु सन्तोषमुपेक्षां पापकर्मसु ।
भावयेत् प्राणिवर्गेषु सदा सन्तुष्टमानसः ॥ १४ ॥
ओं हुं त्रां आं खं हुं -
अङ्गुष्ठादितलान्तं तु त्रिवारं विन्यसेदिति । ओं सर्वतथागतानां सर्वसिद्धयः संपद्यन्ताम् ।
सर्वतथागताचाधितिष्ठन्ताम् ।
नाभिहृन्मस्तकेष्वेतैः क्रमात् कुर्यात् त्रिरञ्जलिम् ॥ १५ ॥
ओं वसुधारे! अभितिष्ठस्व माम् ।
अनेनाञ्जलिना मूर्ध्नि न्यस्तेनैनां प्रणम्य । १. 'कम्', २. 'ल' क पाठः. ३. 'हे' क ग. पाठः.