एतत् पृष्ठम् परिष्कृतम् अस्ति
________________
त्रैष्टुभादिदुर्गापञ्चकम् ] पूर्वार्धे चतुर्विंश: पटलः । उदन्वद्गामिन्यां विधिवदवगाह्याथ हृदये स्मरन्नग्निं मन्त्रं जपतु च निमग्नो दशशतम् ।
भवेत् प्रायश्चित्तं सकलदुरितघ्नं दशदिनैः श्रियं पश्येद् देवी सितकमललक्षाज्यहवनात् ॥ ७८ ॥ धान्यैर्धान्यं भवेद्धुत्वा कुब्जैर्बिल्वैः श्रियं धनम् ।
गोमयाज्यमयीं जुह्वद् गुलिकां पशुमान् भवेत् ।। ७९ ।।
सिद्धार्थमधुरैर्श्यं तथा वटसमिच्छतैः ।
शमीसमिद्भिः शान्तिः स्यादन्नमौदुम्बरीहुतात् ॥ ८० ॥
क्षीरे सवर्णवत्सायाः शुक्लायाः पायसं पशोः ।
हुत्वा शेषाशनो मासैस्त्रिभिर्विन्देच्छ्रियं सुखी ॥ ८१ ॥
त्रिसन्ध्यं यदृश्यं जपतु चिरमायुर्गदहरं
श्रियं रक्षां पुत्राञ् जयमपि च दैवात् स लभते ।
समृद्धान् सर्वार्थानपि स लभते मोक्षमथ चेत्
सहस्रं निष्कामो हृदयकमले ध्यानपरमः ॥ ८२ ॥
चोरादिभिर्न बाध्येत तं जपन् यदि गच्छति । . अभ्यस्ताः शकः क्षिप्ताश्चोरव्यालादिभञ्जनाः ॥ ८३ ।।
शुद्धो वाचा जपेन्मन्त्रमशुद्धो मनसा जपेत् । ध्यायन् दुर्गा तथा देवमग्निं चाभीष्टमाप्नुयात् ।। ८४ ॥
इति खलु जातवेदसमनुश्रुतिसारतया
फलति हि वाञ्छितार्थमखिलं स्मरतोऽपि सदा ।
य इह जपादिभिर्भवति तं स भवेन्न चिरात्
त्रिभुवनसम्पदाख्यकमलामुखनत्कुटकम् ॥ ८५ ॥
इति श्रीमदीशानशिवगुरुदेवपद्धतौ तन्त्रसारे
त्रैष्टुभादिपञ्चदुर्गापटलश्चतुर्विशः।
