एतत् पृष्ठम् परिष्कृतम् अस्ति
________________
२साचारापा हुत्वा सम्पातयेत् तेषु हेमताम्रादिहतिषु ।
बलिं विकीर्य विप्रेन्द्रान् भोजयेच्च कुमारिकाः ।। ५४ ।।
गुरुं च होतृञ्जपितॄन् दक्षिणाभिश्च तोषयेत् । पुरग्रामगृहादीनां नवदिक्षु यथाक्रमम् ॥ ५५ ।। तैरथ गव्यपात्रनिहितैर्भुवि समविहितै र्ग्रामपुरादिरक्षणविधिर्भवति हि सुचिरम् ।
तत्र तु वंशपत्रपतिता इव जलकणिकाः
न स्थितिमवाप्नुवन्ति विपदः स्फुटपवनधुताः ॥ वंशपत्रपतिता ।
ब्रह्मतरुं विदार्य नवधा नवदिशि पतितै
स्तैः सुकृतायुधैर्नवविधैर्निगदितविधिना ।
ग्रामपुरादिबाह्यनिहितैश्च तदवनविधिः
स्याज्जलधिगमार्द्रसिकतैर्विधिरपि च परः ।। ५७ ।।
रशब्देन सिकताविधिरप्ययमेवेत्यर्थः ।
सितपाषाणकैश्चापि नवभिर्बिल्वसंमितैः । संस्कृत्यायुधवद् दिक्षु क्षिपेद् रोगादिशान्तये ॥ ५८ ॥
वारे भानोर्गगनवसनो नन्ददुर्गाग्रहाणां
दिक्ष्वादद्यान्नवसु मनुना शर्करास्तावतीम्ताः ।
मध्ये रात्रौ विषतरुदले न्यस्य संपातहोमा. न्मन्दाक्रान्ता दृषदि जपिताः सैन्यचाटाय शस्ताः ॥ मन्दाक्रान्ता । लक्ष्मीकामो मधुरमिलितं क्षीरिणां वै समिद्भिः
शालीव्रीहिप्रवरचरुभिः क्षीरबिल्वैः क्रमोक्तैः । अष्टौ तद्वच्छतमनुदिनं तत्प्रतिद्रव्यमग्नौ
हुत्वा विन्देत् सलिलकुसुमैस्तोयगेयांशुबिम्बे ॥ ६० ॥ नाभिदघ्नजले तिष्ठन् दुर्गां ध्यात्वार्थधारया । स्वात्मानमभिषिञ्चन्तीं सिक्त्वाद्भिः श्रियमाप्नुयात् ॥ ६१॥
१. 'मपरायोग्यानि' ख. पाठ:.