एतत् पृष्ठम् परिष्कृतम् अस्ति
________________
३०४ [क्रियापादः ईशान शिवगुरुदेव पद्धतौ सात्त्विकं नागरं तत् स्याद् राजसं द्राविलं स्मृतम् ।
तामसं वेसरं चेति त्रयं ब्रह्मादिदैवतम् ॥ ४६ ॥ त्रियुगं तत् त्रिवर्णं च त्रितत्त्वं च क्रमात् स्मृतम् । नागरस्य स्मृतो देशो हिमवद्विन्ध्यमध्यगः ॥ ४७ ॥
द्राविलस्योचितो देशो द्राविड : स्यान्न चान्यथा ।
आगस्त्यविन्ध्यमध्यस्थो देशो वेसरसम्मतः ॥ ४८ ॥ सर्वाणि सर्वदेशेषु भवन्तीत्यपि केचन ।
समासादत्र सामान्यं तलनिर्माणमिष्यते ॥ ४९ ॥
त्रिपञ्चसप्तनवभिः करैरेकतलं स्मृतम् । रुद्रातिजगतीसंख्यैर्हस्तैः स्याद् द्वितलं पुनः ॥ ५० ॥ त्रितलं पञ्चदशभिः कुर्यात् सप्तदशैव तु ।
अत ऊर्ध्वं प्रतितलं पञ्चहस्तविवर्धनात् ॥ ५१ ॥ आद्वादशतलं धाम्नां यथावन्मानमयेत् । अल्पोत्तमविमानानां व्यासाद् द्विगुण उच्छ्रयः ॥ ५२ ॥ द्विगुणात् सप्तमांशोनमल्पमध्येषु तुङ्गता । तस्मादर्धाशहीनः स्यादुत्सेधोऽल्पाधमस्य तु ॥ ५३ ॥
व्यासेऽभिकृतिकोष्ठे स्यात् पीठं कोष्ठेन मध्यतः । तद्बहिर्वसुकोष्ठानां पङ्क्तथा गर्भगृहं भवेत् ॥ ५४ ॥ कोष्टता बहिर्भित्तिररात्र द्वारं तु कोष्ठतः । एकमित्येकतलकं दैवं धामेदमीरितम् ॥ ५५ ॥ तद्वत् प्रासादविस्तारस्यैकाशीतिपदस्य तु । मध्यस्थनव कोठे स्यात् सपीठं गर्भमन्दिरम् ॥ ५६ ॥ तद्वाह्ये कोष्ठपया तु भित्ति द्वारं च कल्पयेत् । तद्बाह्यपङ्कया परितः कल्पयेन्मध्यनाडिकाम् ।। ५७ ॥ प्रासादभिर्त्ति तद्वाह्ये पङ्कया द्वारं च योजयेत् । प्राच्यां वा पश्चिमे भित्त्योर्द्वारमेकैककोष्ठतः ॥ ५८ ॥ एवं चापविमानानि विज्ञेयानि यथारुचि ।
एकभौमानि का कुर्यादतिलान्तानि शक्तितः ।। ५९ ॥
