एतत् पृष्ठम् परिष्कृतम् अस्ति
________________
अथ त्रिंशः पटल' । अथ द्वादशभौमादि यावत् तु त्रितलं भवेत् । प्रोक्तानां च विमानानामुत्तमादिप्रभेदतः ॥ १ ॥
उत्सेधव्यासमानं तु हस्तैः पृथगिहोच्यते । तत्रादित्यतलं श्रेष्ठं शतहस्तोच्छ्रितं भवेत् ॥ २ ॥ हस्तसप्ततिविस्तारं मुख्यं जात्यपि च क्रमात् ।
त्रिषष्टिस्त विस्तारं त्रिनवत्युन्नतं तु यत् ॥ ३ ॥
उत्तमेन तु मानेन स्यादेकादशभूमिकम् । तथा चतुरशीत्युच्च सप्तपञ्चाशता ततम् ॥ ४ ॥
दशभौमं स्मृतं धाम श्रेष्ठमानेन शोभनम् !
पञ्चसप्ततितुङ्गं यदेकपञ्चाशता ततम् ॥ ५ ॥
नवभौमं तु तन्मुख्यं यथायुक्ति नियोजितम् ।
उच्च षडधिकं षट्या चत्वारिंशश्च पञ्च च ॥ ६ ॥
कराणां विस्तृतं धाम भवेदष्टतलं शुभम् ।
सप्तपञ्चाशदुत्तुङ्गं त्रिंशता नवकेन च ॥ ७ ॥ कराणां विस्तृतं धाम सप्तभौमं प्रकीर्तितम् |
त्रयस्त्रिंशत्करव्यासं चत्वारिंशत्करैरपि ॥ ८ ॥
नन्दहस्तैश्व यत्तुङ्गं पञ्चभौमं तु तद्भवेत् । त्रिंशता चैकविंशत्या तुङ्गव्यासं चतुस्तलम् ॥ ९ ॥ प्रकृत्या चातिशकर्यां त्रिभौमं तुङ्गविस्तृतम् ।
एवं त्रितलमारभ्य यावद् द्वादशभूमिकम् ॥ १० ॥
उक्तमानात् प्रतितलं ह्रासयेद् द्विकरं क्रमात् ।
मध्यमानि विमानानि भवन्तीह दश क्रमात् ॥ ११ ॥ तद्वन्मध्यविमानानां ह्रासेन द्विकरं पृथक् । कनिष्ठादिविमानानि सिद्धयन्त्या जगतीतलात् ॥ १२ ॥ अथवा युग्महस्तैस्तु विकारकरमादितः । सप्तम्यन्तं विमानानि जात्यादि प्रभवन्ति हि ॥ १३ ॥
