एतत् पृष्ठम् परिष्कृतम् अस्ति
________________
निर्वाणदीक्षाधिकारः] उत्तरार्धे अष्टादशः पटलः । क्षौराभ्यङ्गविवाहाश्च शृङ्गिभिर्देष्ट्रभिः खगैः । पीडनं वा खरोष्ट्राश्वडोलारोहणकानि च ॥ ३९ ॥
दक्षिणाभिमुखं यात्रा गर्तपङ्काप्सु मज्जनम् ।
अनुत्थानं ततो मार्गविधानं पतितस्य च ॥ ४० ॥
रण्डाभिर्वाथ मुण्डाभिर्विकृताभिरथापि वा । अतिकृष्णातिरौद्राभिः कृष्णरक्ताम्बरायसैः ॥ ४१ ॥ भूषिताभिरसौम्याभिः स्त्रीभिः सङ्गोपगूहनम् ।
कर्षणं च सरित्सिन्धुसमुद्राणां च शोषणम् ॥ ४२ ॥
दीपाग्निज्योतिषां नाशः प्रतिमालिङ्गभेदनम् ।
कृष्णलगम्बराले परक्तवस्त्रादिधारणम् ॥ ४३ ॥
हरिद्रालेपनं स्थौल्यं देहाङ्गानां च खण्डनम् । कार्पासतिलपिण्याक सुवर्णमरिचान्धसाम् ॥ ४४ ॥
लाभो विरेचनं चैव घृतं मत्स्यं च शासनम् (?) ।
मधुतैलेक्षुतक्राणां पानं गीतं च नर्तनम् ॥ ४५ ॥
इष्टैर्वियोगोऽनिश्च योगो देवद्विजन्मभिः । -
पितृभिर्लिङ्गिनश्चापि भर्त्सनं ताडनादिकम् ॥ ४६ ॥
अपूपसक्तुशुष्कान्नभक्षणं सलिलादिभिः ।
निर्वापणं वा दीपादेः पतनं पादचर्मणोः ॥ ४७ ॥ दिग्वाससामसौम्यानां मुण्डानां कृष्णवाससाम् ।
कापायिणां कपीनां च दर्शनस्पर्शनादिकम् ॥ ४८ ॥
खरोष्ट्र कोलमहिषाद्यारोहस्तद्रथस्य वा । गोमयोन्मज्जनालेपावसौम्यशिशुसङ्ग्रहः ॥ ४९ ॥ समानः पानगोष्ठयादौ मृतैरप्युपगूहनम् । इत्येवमादिकं स्वप्ने विनाशभयदुःखदम् ॥ ५० ॥ स्वस्थानामपि रोगाय मरणायाथवा भवेत् ।
अतः परं शुभाः स्वप्नाः कथ्यन्ते सिद्धिसूचकाः ॥ ५१ ॥ १. 'णि' ख. पाठः. १७५
