पृष्ठम्:अष्टावक्रीयम्.pdf/१६

१४

अष्टावक्रीयम् ।

संकल्पः ॥ इदानीमन्तेवसंश्च कहोडः अनतिचिरेण स्नास्यति ॥ सद्गुणश्चायं ॥ सर्वविधेनापि मां शरणमुपागतः । किन्नजानीषेऽस्य कुलीनतां व्यसनितां चारित्रञ्च ॥ अविचारः खल्वनर्थाय ॥ उभयोश्चानयोः उचितो विवाहविधिः ॥ प्रायेण मन्ये तथैवानुष्ठातव्य इति ॥
 ततश्च सा साध्वी मधुरमुपसञ्जहार ॥ "नजानेकिमपि ॥ विधिप्रतिनिषेधाभ्यां किलाहमवगच्छामि हितमहितं वा । कुलवधूनां गोपायितारः पतय एव ॥ विना अमितसुखदातारं पतिं कावान्या देवतानाम । चापलमेव मामचोदयदेवं ॥ क्षम्यतां । विदितवेदितव्याश्च प्रभवंति भवादृशा लोकस्य शुभमशुभं वा प्रकल्पयितुं ॥ अनुरूपश्च कहोडः कुमारिकामर्हतीति सन्निहितोटजवास्तव्यानां वृद्धतापसीनामवगाहनकालिको वचसां प्रचारः । श्वेतकेतवे च उत्तरतारवास्तव्याः कांडलावपितामहादयः अमुमाश्रममनुपदमागच्छन् इति श्रूयते ॥ किमधिकजल्पनेन । दीयतामाज्ञा । तमी च विभातप्राया । आवसथिकाश्च व्यापाराः ब्रह्मीभवन्ति" । इति. प्रणम्य लब्धानुज्ञा अन्तः कुटीरं आससाद ॥
 आचार्यश्च प्राभातिकं कर्म परिसमाप्य कहोडमध्द्यापयन् गमयामास कञ्चन कालं ॥ श्वेतकेतुरपि अनुष्ठितस्नातकधर्मा सर्वोपभोगक्षमायाश्रमाय सन्नद्धः कहोडमपि करुणयान्वद्ध्यापयन् तारामैत्रीमाबबन्ध ॥ कहोडोपि अल्पीयस्त्वाध्द्येतव्यवेदभागस्य अनुष्ठितचरत्वाच्च व्रतानां स्वल्पमपि कालं भक्तिपरीवाहमेदूरैराचार्योपसर्पणाद्यैः अनवरतचिन्तनाभूयिष्ठैः प्रबन्धाधिगमप्रकारैः श्वेतकेतुकृतसाहार्य्यकेन लघुनोपायेन भूयस्तरां ज्ञातव्यार्थसंपत्तिमुपचिन्वन् आचार्यानन्दपात्रं भवन् मार्गशीर्षान्तांश्च मासानतिवाहयामास ॥ सुमंगोत्तरतारवासिनः आश्मरथ्यप्रभृतयः अन्तेवासिमुखेनाधिगतश्वेतकेतुवृत्तांताः समुचिते च काले कन्यकामस्मै दित्संतः प्रत्यपालयन् भागधेयपरिपाकं ॥ पुंसानुजाच उद्दालकपुत्री अनुतिष्ठंती वैखानसीं वृत्तिं संवर्धयन्ती च आश्रमवृक्षकान् प्रत्यहमुपचीयमानयाङ्गशोभया विराजन्ती शिक्षितविद्याचारा रेखामात्रमपि स्वपथादप्रच्यवन्ती अतिष्ठत् ॥