अस्यार्थ: । हनुभेदादयस्त्रयो द्विर्द्विर्द्विविधाकारा भवन्ति । दक्षिणो वामश्च मध्यान्तयोश्च विदारणमिति मध्यविदारणमन्तविदारणं च ।
काश्यपः ।
दक्षिणे हनुभेदः स्यादाग्नेय्यां यदि गच्छति ।
शस्यनाशं च कुरुते नृपभङ्गं सुदारुणम् राहोरगुतावः ॥
वराहसंहितायां तु ।
आग्नेय्यामपगमनं दक्षिणहतुसंज्ञितं शशिनः ।
शस्यविमर्दो मुखरुग्नृपपीडा स्यादवृष्टिश्च ॥
काश्यपः ।
पूर्वोत्तरहनुभेदो[१] नृपपुत्रवधप्रदः ।
वराहसंहितायां तु ।
पूर्वोत्तरे णवामो हनुभेदो नृपकुमारभयदायो ।
मुखरोगः शस्त्रभयं तस्मिन् विन्द्यात् सुभिक्षं च ॥
काश्यपः ।
दक्षिणः कुक्षिभेदः स्याद्याम्ये मोक्षो भवेद्यदि ।
राजपुत्रभयं तत्र दक्षिणाशापतेर्वधः ॥
वराहसंहितायां तु ।
दक्षिणकुक्षिविभेदो दक्षिणपार्श्वे यदि भवेन्मोक्षः ।
पीडा नृपपुत्राणामभियोज्या दाक्षिणा रिपवः ॥
काश्यपः ।
सौम्यायां तु यदा मोक्ष वामक्क्षिविभेदनम् ।
स्त्रीणां गर्भविनाशाय सौम्याशाधिपतेर्भयम् ॥
वराहसंहितायां तु ।
वामस्तु कुक्षिभेदो यद्युत्तरमार्गसं स्थितौ राहुः ।
स्त्रीणां गर्भविपत्तिः शस्यानि च तत्र मध्यानि ॥
- ↑ पूर्वोत्तरेपरो भेदः इति अ.।
