वृद्धगर्गः ।
नीले श्यामे च शशिनि रुक्षे धूमतमोवृते ।
अनावृष्टिभयं रोगानग्निवातं विनिर्दिशेत् ।।
पिण्डितस्तस्कराकर्षी [१]रसोऽन्नार्घकरो भवेत् ।
पिण्डितो घनः ।
अथोच्चनीचस्थानोदितचन्द्रफलम् । तत्र वृद्धगर्गः ।
उच्चैः सुभिक्षं नीचैस्तु सोमे दुर्भिक्षलक्षणम् ।
अथ प्रथमोदितचन्द्रस्य नीलमेघाद्यावरणफलम् । तत्र वृद्धगर्गः ।
यदा सोमः प्रतिपदि नीलैराच्छाद्यते धनैः ।
"अन्यर्त्तुकाले यात्रायां मरणं तत्र निर्दिशेत् ॥
अन्यर्त्तुकाल इति प्रावृट्कालादन्यत्रेति ।
तथा ।
यदा सोमः प्रतिपदि रजसा तमसाऽथ वा ।
आवृतः प्रतिदृश्येत भयं तत्र समादिशेत् ॥
प्रतिपद्ग्रहणं प्रथमदर्शनोपलक्षणम् ।
इति चन्द्र कुष्ठादिशरोरलक्षणम् ।
अथ गणितागतप्रमाणादधिकन्यूनप्रमाणफलम् । वराहसंहितायाम् ।
ज्ञेयो विशालमूर्त्तिर्नरपतिलक्ष्मीविवृद्धये चन्द्रः ।
वृद्धगर्गः ।
विशालः श्रीकरो भूमेः राज्ञश्चैव जयावहः ।
सुवृष्टिः सुषमा चैव ब्रह्मवृद्धिस्तथोत्तरा ॥
विशाल: प्रस्तारायामाभ्यो बृहत्प्रमाणः ।
वराहसंहितायाम् ।
स्थूलः सुभिक्षकारी प्रियधान्यकरस्तु तनुमूर्त्तिः ।
स्वल्पो दुर्भिक्षकरो महान् सुभिक्षावहः प्रोक्तः ॥
प्रियधान्यकर इति महार्घकर ।
- ↑ रसनाक्षकरः इति अ.।
