आदित्यपुराणे ।
सश्वेततारश्च दिने प्रयाति रक्तेक्षणः सन्ध्ययोश्चापि जीवः ।
निश्मगमे नीलतारः प्रयाति कामीव वा वर्जितलोलनेत्रः ॥
सुश्रुतः ।
यस्य दृष्टिमण्डले भिन्नविकृतीनि रूपाण्यालोक्यन्ते तस्य
मरणाय - इत्यनुवर्त्तते ।
देवलः ।
नासा च वक्रा भवति स ज्ञेयो गतजीवितः ।
लिङ्गपुराणब्रह्माण्डपुरणयोरष्येवम् ।
पराशरस्तु ।
वक्रविकृतनासादर्शनं मासान्ते ।
मरणायेति सम्बन्धः ।
विष्णुधर्मोत्तरे ।
मासेन विकृता नासा वक्रा च मरणप्रदा ।
नासाभङ्गेन धर्मज्ञ द्व्यहान्मरणमादिशेत् ॥
चरकः ।
गायतो नासिकावंशः पृथुत्वं यस्य गच्छति ।
असूनः सूनसंकाशः प्रत्याख्येयो विजानता ।
मार्कण्डेयपुराणे ।
नासिका वक्रतामेति कर्णयोर्नमनोन्नती ।
नेत्रं च वामं स्रवति स ज्ञेयो गतजीवितः ॥
लिङ्गपुराणे तु ।
नेत्रमेकं स्रवेद्यस्य कर्णौ स्थानाच्च भ्रश्यतः ।
नासा वक्रा च भवति स ज्ञेयो गतजीवितः ॥
ब्रह्माण्डपुराणेऽप्यष्येवम् ।
कालावल्याम् ।
नेत्रे च वर्त्तुलीभूते कर्णौ भ्रष्टौ स्वदेशतः ।
