तत् तत् सर्वमुपादेयमेष दानविधिः स्मृतः ॥
दद्यात् तु गुरवे ग्रामान् धेनुं वा गोयुगं तथा ।
अलङ्कारैश्च संपूज्य प्रीणयेत् प्रीतमानसः ॥
अनेन विधिना भौममद्भुतं शमयेद् गुरुः ।
एष एव विधिज्ञेयो वियत्यप्यद्भुताश्रये ॥
विशेषोऽत्र त सावित्र्या दशलक्षं तु होमयेत् ।
होमं समाहितमनाः कुर्याच्च घृतकम्बलम् ॥
धेनूनां द्वादश ज्ञेयं शतं निष्कसमायुतम् ।
गुरवे दीयमानं तच्छमयेदम्बराद्भुतम् ।।
दिव्याद्भुतेषु कर्त्तव्यः क्व निद्धोमः समाहितैः ।
गोसहस्रं तु दातव्यं गुरवे दक्षिणाविधौ ।
एष प्रोक्तो विधिः सम्यग दिव्यारिष्टविपद्धरः ।
सुभिक्षक्षेमसम्पत्त्या पूजनं पुष्टिवर्धनम् ॥
अल्पफलदिव्योत्पाते च कोटिहोमाशक्तावमृताख्या महाशान्ति: कर्तव्या।
यदुक्तं गार्गीये ।
प्रयतस्तेषु सर्वेषु दिव्येष्वद्भुतकेष्वपि ।
महाशान्तिं बुधः कुर्यादमृतां विश्वभेषजम् ॥
बार्हस्पत्येऽथर्वस्मृतौ च ।
अद्भुतेष्वपि सर्वेषु त्रिविधेषु न संशयः ।
दिव्यान्तरिक्षभौमेषु अमृता शंसिता बुधैः ॥
सर्वाद्भुतप्रशमनीं सर्वविघ्नविनाशिनीम् ।
शान्तिमेवामृतां कुर्यादायुरारोग्यवर्धनीम् ॥
अमृतायाः प्रभावेण देवाश्चामर्त्त्यतां गताः ।
तेनामृतां सदा कुर्याद्येनारोग्यमवाप्यते ॥ 
