पराशरस्तु ।
यस्यां दिशि समुत्तिष्ठेत् तां दिशं नाभियोजयेत् ।
यतः शिखा यतो धूमस्ततो यायान्नराधिपः ॥
प्रतिलोमं त यः केतोर्जयार्थी याति पार्थिवः ।
सामात्यवाहनवलः स नाशमुपगच्छति ॥
गार्गोये ।
यतो धूमस्ततो यात्रा यतो ज्योतिस्ततो जयः ।
यतः स्थानं ततः पीडा केतुनामुदये भवेत् ॥
प्रतिलोमं तु यः केतुं कृत्वा सेनां प्रयोजयेत् ।
जायते तस्य सेनाया भयं घोरं पराजयः ॥
यां दिशं धूपयेत् केतुर्न तत्राभिमुखो व्रजेत् ।
यस्यां दिशि प्रतिष्ठेत हन्ति तां स विशेषतः ॥
वराहसंहितायाम् ।
नम्रा यतः शिखिशिखाऽभिसृतो यतो वा
ऋक्षं च यत् स्पृशति तत्कथिताँश्च देशान् ।
दिव्यप्रभावनिहतान् स यथा गरुत्मान्
भुङ्क्ते महीं नरपतिः परभोगिभोगान् ॥
वटकणिकायाम् ।
उदयास्तमनाधूमनसंयोगाकारवर्णदिकपातैः ।
फलनिर्देशो दिवसैर्मासान्मासैश्च वर्षाणि ॥
बृहत्संहितायाम् ।
यावन्त्यहानि दृश्यो मासैस्तावद्भिरेव फलपाकः ।
मासैरब्दानि वदेत् प्रथमात् पक्षत्रयात् परतः ॥
गर्गश्च ।
यावन्त्यहानि दृश्येत तावन्मासान् फलं वदेत् ।
