पुटमेतत् सुपुष्टितम्
५६२
अद्भुतसागरे ।
भीष्मपर्वणि कुरुक्षयनिमित्तम् ।
औशनसे ।
गौरश्वं वडवा गावो यस्मिन् देशे प्रसूयते ।
अभ्यन्तरेण वर्षात् तु राज्ञो मरणमादिशेत् ॥
मौशले वृष्णिक्षयनिमित्तम् ।
“व्यजायन्त खरा गोषु करभाऽश्वतरीषु च ।
शुनीषु विडालाश्च मूषिका नकुलीषु च [३] ॥
औशनसे ।
अश्वा किशोरं जनयेत् शृङ्गिणं यत्र तत्र तु ।
आदिशेन्मरणं राज्ञस्तद्वर्षाभ्यन्तरेण तु ॥
भीष्मपर्वणि कुरुक्षयनिमित्तम् ।
वृद्धगर्गसंहिताबार्हस्पत्ययोः ।
जङ्गमं स्थावरे जायेत् स्थावरं जङ्गमे तथा ।
अस्मिन् जन्मविपर्यासे परचक्रागमं वदेत् ॥