एतत् पृष्ठम् परिष्कृतम् अस्ति
२४
देशः । स 'दक्षिणपञ्चालाः ' ' उत्तरपञ्चालाः' इति
द्विधा विभक्त आचर्मण्वत्या वितत आसीत् । [१]कान्यकुब्जम् अत्रान्तर्भूतम् । इमं देशं पाण्डवानां [२]श्वशुरो
द्रुपदः पालयामास । उत्तरपञ्चालेषु 'अहिच्छत्रा' राजधानी; दक्षिणपञ्चालेषु [३]'काम्पिल्यम् ' । हरिद्वारात् पूर्वतोऽलकनन्दाया वामतो [४]ब्रह्मपुरराज्यम् अस्ति ।
शूरसेनाः--'शूरसेनदेशः ' श्रीकृष्णस्य [५]जन्मस्थानम् । ‘गोकुलं’ [६]‘बृन्दावनं' [७]'मथुरा' [८]'अग्रवणम्' इति नगराण्यनेन सम्बद्धानि ।
श्रीकृष्णस्य मातुलस्तेन निहतः कंसो नाम राजा मथुराम् इमां राजधानीं चकार ॥
मत्स्याः --'मत्स्यदेशो' विराटस्य राज्ञो राज्यं, यत्र पाण्डवा वर्षमेकम् अज्ञातवासम् अकुर्वन् । ‘मच्छरि' इति प्रसिद्धा [९]मत्स्यपुरी तस्य राजधानी सम्भाव्यते ॥
