एतत् पृष्ठम् परिष्कृतम् अस्ति
२१
ष्ठम् उपजायते, यथा देशनामतस्तस्य काश्मीरम् इति
नामधेयं निष्पन्नम् । अत्र [१]'श्रीनगरम्' इति नाम्ना
प्रधानं पुरम् उल्लसति । कश्मीरराज्यं हिन्दुना राज्ञा
पाल्यते ॥
गन्धाराः - 'गन्धारदेशः' सिन्धोरपरतीरे कश्मीरदेशात् पश्चिमतः [२]सन्निविशते । अत्र [३]पुरुषपुरं [४]पुष्करावतं च प्रधाननगरम् आसीत् । दुर्योधनस्य मातुलो भारतप्रसिद्धः शकुनिरत्र राजाभवत् । अत्र व्याकरणकर्तुः पाणिनिमुनेर्जन्मभूमिः [५]'सलातुरं' वर्तते । अस्माद् उत्तरतः [६]'सुवास्तुदेशः' ॥
पञ्चनदः -- ‘पञ्चनददेशः' कश्मीरदेशाद् दक्षिणतोऽस्ति । अत्र पञ्च नद्यो वितस्तादयः स्यन्दन्ते । अतोऽयं देशः पञ्चनद उच्यते ।
सिन्धुषष्ठानाम् आसाम् अन्तरालेषु [७]कुलूतादयो बहवो जनपदा विद्यन्ते । [८]'लवपुरं' [९]'कुशपुरं '
