पुटमेतत् सुपुष्टितम्
७
प्रथमः सर्गः।
भूदेवता यद्विभवं विलोक्य
भूयोऽवधूतत्रिदिवं दधाति ।
निलीनभृङ्गस्थलपद्मदम्भा-
न्निष्पन्दताराणि विलोचनानि ॥ ३२ ॥
यस्योर्वरासारगुणस्य मूर्ताः
पुञ्जा इवाभान्ति समन्ततोऽपि ।
तिलातसीकोद्रवमु[१]द्गमाष-
गोधूमवल्लक्षवशालिशैलाः ॥ ३३ ॥
यत्रार्तवत्त्वं फलिताटवीषु
पलाशिताद्रौ कुसुमे परागः ।
निमित्तमात्रे पिशुनत्वमासी-
न्निरोष्ठ्यकाव्येष्वपवादिता च ॥ ३४ ॥
स्त्रीणां कचे माल्यमुरोजभारे
श्यामाननत्वं जघने जडत्वम् ।
अपाङ्गता केवलमक्षिसीम्नो-
र्मध्यप्रदेशेषु च नास्तिवादः ॥ ३५॥
भुजङ्गमेष्वागमवक्रभावो
भुजङ्गहारेऽप्यजिनानुरागः ।
ध्रुवं प्रदोषानुगमो रजन्याम्
(दि ? इ)नक्षयः सोऽपि दिना[२]वसाने ॥ ३६ ॥
तत्रास्ति सा राजगृहाभिधाना
पुरी वनैः पृष्ठगतैरुदग्रै: ।