91 Shakuntala receiving the blessings and advice of her elders and friends at the hermitage of Kashyapa, at the time of her departure for her husband's house. (ततः प्रविशति यथोद्दिष्टव्यापारासनस्था शकुन्तला । ) तापसीनामन्यतमा—(शकुन्तला प्रति ) जाते, भर्तुर्बहुमानसूचकं महादेवीशब्द लभस्व । द्वितीया-वत्से, वीरप्रसविनी भव । ततीया-वत्से, भर्तुर्बहुमता भव । ( इत्याशिषो दत्वा गौतमीवर्ज निष्क्रान्ताः ।) सख्यौ-(उपसृत्य ) सखि, सुखमज्जनं ते भवतु । शकुन्तला—स्वागतं मे सख्योः । इतो निषीदतम् । उभे—( मङ्गलपात्राण्यादाय उपविश्य ) हला सज्जा भव । याव- न्मङ्गलसमालम्भनं विरचयावः । शकुन्तला—इदमपि बहु मन्तव्यम् । दुर्लभमिदानी मे सखीमण्डनं भविष्यति । (इति बाष्पं विसृजति ।) उभे—सखि, उचितं न ते मङ्गलकाले रोदितुम् । (इत्यश्रूणि प्रमृज्य नाट्येन प्रसाधयतः।) प्रियंवदा–आभरणोचितं रूपमाश्रमसुलभैः प्रसाधनैर्विप्रकार्यते । (प्रविश्योपायनहस्तौ ।) ऋषिकुमारकौ-इमलंकरणम् । अलंक्रियतामत्रभवती । (सर्वा विलोक्य विस्मिताः।) गौतमी-वत्स नारद, कुत एतत् ? प्रथमः -तातकाश्यपप्रभावात् ।
