अथर्ववेदः/काण्डं ६/सूक्तम् ११०
| ← सूक्तं ६.१०९ | अथर्ववेदः - काण्डं ६ सूक्तं ६.११० ऋषिः -अथर्वा। |
सूक्तं ६.१११ → |
| दे. अग्निः। त्रिष्टुप्, १ पङ्क्तिः। |
प्रत्नो हि कमीड्यो अध्वरेषु सनाच्च होता नव्यश्च सत्सि ।
स्वां चाग्ने तन्वं पिप्रायस्वास्मभ्यं च सौभगमा यजस्व ॥१॥
ज्येष्ठघ्न्यां जातो विचृतोर्यमस्य मूलबर्हणात्परि पाह्येनम् ।
अत्येनं नेषद्दुरितानि विश्वा दीर्घायुत्वाय शतशारदाय ॥२॥
व्याघ्रेऽह्न्यजनिष्ट वीरो नक्षत्रजा जायमानः सुवीरः ।
स मा वधीत्पितरं वर्धमानो मा मातरं प्र मिनीज्जनित्रीम् ॥३॥