एतत् पृष्ठम् परिष्कृतम् अस्ति
६६
वीरवैरागिचरितम्
सः वन्दमानश्चरणौ विधातुः
विद्वान्मनीषी मनसां विदाङ्कृत् ।
देशैकरक्षाविधिमात्मकीयम्
सौभाग्य संस्तारधिया बभार ।। ३३ ।।
रक्ताक्तनेत्रैश्च यमाग्रदूतै:
चण्डालमुख्यैर्न भियं प्रपेदे ।
रक्तान्त्रनेत्रो विहितेशभावः
कामांश्च तान् दग्धुमियेष रुष्टः ।। ३४ ।।
परम् -
योगैकमुद्राधृतरोषभावः
सन्तोषमाधाय गतो न मोहम् ।
दग्धास्त्रदीर्णश्च शरीरशैले ।
स्वां चेतनां चर्मरतौ न मेने ।। ३५ ।।
उल्लुन्चितश्चर्मणि कर्मदक्षः
धैर्येकरक्षारतिमादधानः
प्राणैः प्रियः त्राणपरैश्च मुक्तः
स्वाम् मोहिनीं मातृधरां ससज्ज ।। ३६ ।।
हतो हि वीरः स्वशरीरछेदै:
यशःशरीरे नहि लोपमागात् ।
ऐतिह्य पृष्ठैक विवादबिद्धो
नित्यां चकारात्मचरैः स्वकीर्त्तिम् ।। ३७ ॥
इति श्री सुदर्शनशर्मणाम् विरचिते वीरवैरागिचरिते
चतुर्थ: उच्छ्वास:समाप्तः ॥
•
