पुटमेतत् सुपुष्टितम्
३८ सर्गः]
465
ज्ञात्वा दशरथः सर्वं प्रतस्थे मिथिला पुरीम्
प्रतिज्ञां-वीर्यशुल्कतया सीतादानप्रतिज्ञापूरणं इत्यर्थः ॥ १० ॥
सोपाध्यायो महाराज ! पुरोहितपुरस्सरः ।
शीघ्रमागच्छ, भद्रं ते, द्रष्टुमर्हसि राघवौ ॥ ११ ॥
महाराज शीघ्रमागच्छेति योजना ॥ ११ ॥
उभयोरेव पुत्रयोः, न केवलं रामस्य । प्रीतिमिति । विवाहकल्याणजप्रीतिमित्यर्थः । एवं च लक्ष्मणायोमिळाप्रदानमपि सूचितम् । तथाऽग्रे वक्ष्यति ॥ १२ ॥
[५]एवं विदेहाधिपतिर्मधुरं वाक्यमब्रवीत् ।
विश्वामित्राभ्यनुज्ञातः शतानन्दमते स्थितः ॥ १३ ॥
अभ्यनुज्ञात इति । अभ्यनुज्ञातकन्यापदानकृत्य इत्यर्थः ॥ १३ ॥
दूतवाक्यं तु तच्छ्रुत्वा राजा परमहर्षितः ।
वसिष्ठं वामदेवं च मन्त्रिणोऽन्यांश्च सोऽब्रवीत् ॥ १४ ॥
गुप्तः कुशिकपुत्रेण कौसल्यानन्दवर्धनः ।
लक्ष्मणेन सह भ्रात्रा विदेहेषु वसत्यसौ ॥ १५ ॥