एतत् पृष्ठम् परिष्कृतम् अस्ति
६२ सर्गः]
41
प्रसाद्यमाना भर्त्रा सा कौसल्याऽभूत् सुलज्जिता
तद्वाक्यं करुणं राज्ञः श्रुत्वा दीनस्य भाषितम् ।
कौसल्या व्यसृजत् बाष्पं प्रणालीव [१] नवोदकम् ॥ १० ॥
प्रणाली-प्रासादादौ जलनिर्गमकॢप्तदारुविशेषः ॥ १० ॥
सा मूर्ध्नि बध्वा रुदती राज्ञः पद्ममिवाञ्जलिम् ।
संभ्रमादब्रवीत् त्रस्ता त्वरमाणाक्षरं वचः ॥ ११ ॥
त्रस्ता-बत ! ममापि कैकेयीस्वभावः सर्वलोकनाशकः, पतिशोककारिवचनादिकं प्राप्तमिति भीतेत्यर्थः ॥ ११ ॥
भूमौ निपतिताऽस्मीति । साष्टाङ्गं प्रणमामीति यावत् ।
हे देव ! त्वया याचिता अहं हताऽस्मि । ईश्वरेणेशितव्यवैपरीत्यं
परमान्याय्यं किल, अतोऽहं हताऽस्मि । अतः त्वया हन्तव्या न हि-
प्रहर्तव्या न हि ? एतदपराधशान्तये मत्प्रहार एव भवता कर्तव्यः,
दास्या इवेत्यर्थः ॥ १२॥
नैषा हि सा स्त्री भवति श्लाघनीयेन धीमता ।
[४]उभयोर्लोकयोः, वीर! पत्या या संप्रसाद्यते ॥ १३ ॥