एतत् पृष्ठम् परिष्कृतम् अस्ति
132
[अयोध्याकाण्डः
भरतसन्तापः
विनाशितो महाराजः पिता मे धर्मवत्सलः ।
[१]कस्मात् प्रव्राजितो रामः कस्मादेव वनं गतः १ ॥ ७ ॥
कस्मादिति । निर्हेतुतः, निष्प्रयोजनत एव चेत्यर्थः ॥ ७ ॥
कौसल्या च सुमित्रा च पुत्रशोकाभिपीडिते ।
दुष्करं यदि जीवेतां [२] प्राप्य त्वां जननीं मम ॥ ८ ॥
न केवलं पितृभ्रातृपीडा, अपि तु मात्रोरपीत्याह – कौसल्येत्यादि । मम जननीं त्वां मृत्युहेतुं प्राप्य यदि जीवेतां, तदपि दुष्करं- दुर्लभमेव । एवं च तयोः मृतिः, मुमूर्षा वेति न जान इत्यर्थः ॥ ८ ॥
’कस्मात् प्रव्राजितः ?' इति प्रागुक्तं प्रव्राजनकारणमेव प्रतिपाद्यते - ननु त्वित्यादि । गुरुषु-मातापित्रादिषु वर्तनीयां वृत्तिं जानातीति तथा ॥ ९॥
अथ राममात्राऽपि न कश्चिदपराधस्त्वयि कृत इत्याह- यथेत्यादि । यथा भगिन्यां तथा त्वयि वर्तते पतिचित्तानुवर्तनरूपं धर्मं समास्थाय ॥ १०॥