सप्तषष्टितमः सर्गः
[अराजकदोषवर्णनम्]
[१]आक्रन्दितनिरानन्दा सास्रकण्ठजनाकुला ।
अयोध्यायामवतता सा व्यतीयाय शर्वरी ॥ १ ॥
अथ मन्त्रिपुरोहितादिभिः संमन्त्रणं राजाभिषेकाय । [२] आकन्दितेत्यादि । मत्वर्थीयाजन्तः [३] आक्रन्दितवती; अत एव निरानन्दा च तथा । अयोध्यायां अवतता-दीर्घा ॥ १ ॥
व्यतीतायां तु शर्वर्यां आदित्यस्योदये ततः ।
समेत्य राजकर्तारः [४] सभामीयुर्द्विजातयः ॥ २ ॥
[५] राजकर्तारः - राजा कर्ता-साक्षात् शिक्षणकर्ता येषां ते तथा ; राज्ञोऽशेषकार्यकर्तारश्च तथा मन्त्रिपुरोहितादय इति यावत् ॥ २ ॥
मार्कण्डेयोऽथ मौहल्यः वामदेवश्च काश्यपः ।
कात्यायनो गौतमच जाबालिश्च महायशाः ॥ ३ ॥
एते द्विजाः सहामात्यैः पृथग्वाचमुदीरयन् ।
वसिष्ठमेवाभिमुखाः श्रेष्ठं राजपुरोहितम् ॥ ४ ॥
पृथग्वाचमिति । भिन्नभिन्नप्रस्थानतया राजकार्यविषये अब्रुवन् । एवञ्च कार्यसिद्ध्योगात् वसिष्ठमेव प्रमाणीकृत्य तमेवाभिमुखा बभूवुः ॥
