[१]स्निग्धपत्रा यथा वृक्षाः यथा शान्तमृगद्विजाः ।
आश्रमो नातिदूरस्थः महर्षेः भावितात्मनः ।। ७८ ।।
यथा श्रुनाः, तथा स्निग्धपत्राः वृक्षाः दृश्यन्ते इति शेषः । तथा अग्रेऽपि योजना ॥ ७८ ॥
अगस्त्य इति विख्यातः लोके स्वेनैव कर्मणा ।
आश्रमो दृश्यते तस्य परिश्रान्तश्रमापहः ।। ७९ ।।
[२].प्राज्यधूमाकुलवनः चीरमालापरिष्कृतः ।
प्रशान्तमृगयूथश्च नानाशकुनिन। दितः ।। ८० ।।
स्वेनैव कर्मणा अगस्त्य इति विख्यातः । अगं-विंध्यं स्तंभय- तीति, पृषोदरा देत्वेन स्तंभशब्दस्य स्त्यादेशे अगस्त्य इति प्रसिद्ध इत्यर्थः । परिश्रान्तानां श्रमं अपहन्तीति तथा, अपे क्लेशतमसोः इति क्लेशपर्यायेऽपि डः । प्राज्यैः-भूरिभिः धूमैः-यज्ञपाकयज्ञधूमैः आकुलं वनं यस्मिन् स तथा ॥ ८० ॥
[३]निगृह्य तरसा मृत्युं लोकानां हितकाम्यया ।
दक्षिणा दिक् कृता येन शरण्या पुण्यकर्मणा ||।। ८१ ।।
[४] ।निगृहोत्यादिः गतार्थः॥ ८१ ॥