एतत् पृष्ठम् अपरिष्कृतम् अस्ति
एकादशोऽध्यायः नभःस्पृशं दीप्तमनेकवर्ण व्यात्ताननं दीप्तविशालनेत्रम् । दृष्ट्वा हि त्वां प्रव्यथितान्तरात्मा भृति न विन्दामि शमं च विष्णो ॥ २४ ॥ दंष्ट्राकरालानि च ते मुखानि दृष्ट्वैव कालानलसंनिभानि । दिशो न जाने न लभे च शर्म प्रसीद देवेश जगन्निवास ॥ २५ ॥ अमी सर्वे धृतराष्ट्रस्य पुत्राः सर्वैः सहैवावनिपालसंधैः । भीष्मो द्रोणः सूतपुत्रस्तथाऽसौ सहास्मदीयैरपि योधमुख्यैः ॥ २६ ॥ वक्त्राणि ते त्वरमणा विशन्ति दंष्ट्राकरालानि भयानकानि । केचिद्विलग्ना दशनान्तरेषु संदृश्यन्ते चूर्णितैरुत्तमाङ्गैः ॥ २७ ॥ नानारूपैः पुरुषैर्वाध्यमाना विशन्ति ते वक्त्रमचिन्त्यरूपम् । यौधिष्ठिरा वार्तराष्ट्रा योधाः शस्त्रैः कृत्ता विविधैः सर्व एव । त्वत्तेजसा निहता नूनमेते तथा हीमे स्वच्छरीरे प्रविष्टाः ॥ २८ ॥ 185
