एतत् पृष्ठम् अपरिष्कृतम् अस्ति
॥ श्रीः॥
वास्तुविद्या।
गजास्यमगजापुत्रं विघ्नाद्रिभिदुरं शिवम् ।
नमामि वचसां देवीं मन्दारकुसुमप्रभाम् ॥ १ ॥
प्रणम्य विश्वकर्माणं शिल्पिनां परमेश्वरम् ।
वास्तुविद्यां प्रवक्ष्यामि यथाशक्ति समासतः ॥ २ ॥
तत्रादौ सम्प्रवक्ष्यामि सर्वेषां मानसाधनम् ।
मानेनैवाखिलं लोके व[१]स्तु संसाध्य[२]ते यतः ॥ ३ ॥
परमाणुः क्रमाद् वृद्धो[३] मानाङ्गुल इ[४]ति स्मृतः[५]।
परमाणुरिति प्रोक्तो योगिनां दृष्टिगोचरः॥ ४ ॥
परमाणुभिरष्टाभि[६]स्त्रसरेणुरिति स्मृतः ।
त्र[७]सरेणुश्च रोमागं लिक्षायूकायवास्तथा ॥ ५ ॥
क्रमशोऽष्टगुणाः प्रोक्ता य[८]वोऽष्टगुणितोऽङ्गुलिः।
अङ्गु[९]लं तु भवेन्मानं वितस्तिदशाङ्गुलः ॥ ६ ॥