पुटमेतत् सुपुष्टितम्
१०४
॥ पञ्चमोङ्कः ॥
- प्रेष्यभावेन नामेयं देवीशब्दक्षमा सती ।
- स्नानीयवस्त्रक्रियया पलोर्णं वोपयुज्यते ॥ १2 ॥ ।
- धारिणी । १भअवदि तुए अभिजणवादिं मालविअं
- अणाचख्खन्तीए असंपदं किदं ।
- परिव्राजिका । शान्तं पापं शान्तं पापम् । कारणेन खलु
- मया नैभृत्यमवलम्बितम् ।
- धारिणी । २किं विअ अत्त कारणं।
- राजा । यदि वक्तव्यं कथ्यताम् ।
- परिव्राजिका । इयं पितरि जीवति केनापि लोकयात्रगतेन
- सिध्दादेशेन साधुना मत्समक्षमादिष्टा संवत्सरमात्रं
- प्रेष्यभावमनुभूय ततः सदृशभर्तृगामिनी भविष्यतीति ।
- तमवश्यं भाविनमादेशमस्यास्त्वत्पादशुश्रूषया
- परिणमन्तमवेक्ष्य कालप्रतीक्षया मया तत्साधु कृतमिति पश्यामि ।
- राजा । युक्तोपेक्षा ।
। प्रविश्य कञ्चुकी ।
- कञ्चुकी । देव कथान्तरेणान्तरितमिदममात्यो विज्ञापयति ।
- १. भगवति त्वयाभिजनवतीं मालविकामनाचक्षाणयासांप्रतं कृतम् ।
- २. किमिवात्र कारणम् ।
|
|
