पुटमेतत् सुपुष्टितम्
४७
॥ मालविकाग्निमित्रम् ॥
- मालविका । सहर्षम् । १किं भट्टा ।
- बकुलावलिका । सस्मितम् । २ण दाव भट्टा । एसो असोअसाहावलम्बी पल्लवगुच्छो । ओदंसेहि णं ।
- विदूषकः। ३अवि सुदं भवदा ।
- राजा । पर्याप्तमेतावता कामिनाम् ।
- अनादरोत्कण्ठितयोः प्रसिध्यता
- समागमेनापि रतिर्न मां प्रति ।
- परस्परप्राप्तिनिराशयोर्वरं
- शरीरनाशोपि समानुरागयोः ॥ १८ ॥
- मालविका । रचितपल्लवावतंसा सलोलमशोकताडनाय पादं प्रहिणोति ।
- राजा । वयस्य पश्य ।
- आदाय कर्णकिसलयमस्मादियमत्र चरणमर्पयति ।
- उभयोः सदृशविनिमयादात्मानं वञ्चितं मन्ये ॥ । १६॥
- बकुलावलिका । ४हला णथ्थि दे दोसो अगुणो अअं असोओ
- जइ कुसुमसमुभ्भेदमन्थरो भवे । जो ईरिसं चलणसक्कारं लहेइ ।
- १. किं भर्ता ।
- २. न तावद्भर्ता । एषोशोकशाखावलम्बी पल्लवगुच्छः। अवतंसयैनम् ।
- ३. अपि श्रुतं भवता ।
- ४. हला नास्ति ते दोषः अगुणोयमशोको यदि कुसुमसमुद्भेदमन्थरो भवेत् । य
- ईदृशं चरणसत्कारं लभते ।
|
|
